બોલિવૂડ અભિનેત્રી નોરા ફતેહીએ 200 કરોડની છેતરપિંડીના કેસમાં કોર્ટમાં પોતાનું નિવેદન નોંધ્યું છે.નોરા પોતે દિલ્હી પોલીસની ઇકોનોમિક ઓફેન્સ વિંગ પાસે પહોંચી છે અને આ મામલે પોતાનું નિવેદન નોંધવા વિનંતી કરી છે.આ પછી દિલ્હી પોલીસે પટિયાલા હાઉસ કોર્ટમાં નોરાનું નિવેદન નોંધ્યું હતું.નોરા ફતેહી પટિયાલા કોર્ટમાં પોતાનું નિવેદન નોંધ્યા બાદ કારમાં જતી જોવા મળી રહી છે.
EDએ ઘણી વખત કરી ચૂકી છે નોરાની પૂછપરછ
અગાઉ, ED મની લોન્ડરિંગ કેસમાં નોરા ફતેહીની ઘણી વખત પૂછપરછ કરી ચૂકી છે.પૂછપરછ દરમિયાન, નોરાએ ખુલાસો કર્યો કે કોનમેન સુકેશ ચંદ્રશેખરે નોરાના જીજાજી બોબીને લગભગ 65 લાખ રૂપિયાની BMW કાર ગિફ્ટ કરી હતી.નોરાએ સુકેશ ચંદ્રશેખરની પત્નીના ચેન્નાઈમાં બનેલા સ્ટુડિયોના ફંક્શનમાં ગેસ્ટ તરીકે હાજરી આપી હતી.આ ઇવેન્ટમાં આવવાને બદલે સુકેશે ફી ભરવાને બદલે નોરાને BMW જેવી લક્ઝરી કાર ગિફ્ટ કરી હતી.આ સાથે અભિનેત્રી સુકેશ સાથે વ્હોટ્સએપ દ્વારા વાત કરતી હતી.
કેસ વિશે વિગતવાર જાણો?
સુકેશ ચંદ્રશેખરનું નામ છેલ્લા કેટલાક સમયથી ચર્ચામાં છે.સુકેશ બોલિવૂડ અભિનેત્રીઓને મોંઘી ગિફ્ટ અને લક્ઝરી વસ્તુઓ આપતો હતો.નોરાનું નિવેદન લોન્ડરિંગ એક્ટ 2002ની કલમ 50(2) અને 50(3) હેઠળ સુકેશ વિરુદ્ધ નોંધવામાં આવ્યું હતું.
આ કેસ સાથે જેકલીન ફર્નાન્ડિસનું નામ પણ જોડાયેલું
સુકેશ ચંદ્રશેખર મની લોન્ડરિંગ કેસમાં જેકલીન ફર્નાન્ડિસનું નામ પણ સામે આવ્યું છે.થોડા દિવસો પહેલા જેકલીને વિદેશ જવા માટે અરજી કરી હતી,પરંતુ પટિયાલા હાઉસ કોર્ટે સુનાવણી દરમિયાન તેને પરવાનગી આપવાનો ઇનકાર કરી દીધો હતો.કોર્ટનું કહેવું છે કે પહેલા આરોપો ઘડવા દો.આ પછી જેકલીન ફર્નાન્ડિસે વિદેશ જવાની અરજી પાછી ખેંચી લીધી હતી.
