મુંબઈ, 21 માર્ચ 2023 મંગળવાર : નવી મુંબઈમાં બિલ્ડર સવજીભાઈ પટેલની હત્યાના કેસને પોલીસે ઉકેલી દીધો છે.આ કેસમાં મુંબઈ પોલીસે રાજકોટના યુવક સહિત ચાર લોકોની ધરપકડ કરી છે.મુળ કચ્છના બિલ્ડર સવજીભાઈ પટેલ નવી મુંબઈના નેરુલમાં જ્યારે 15 માર્ચના રોજ ટ્રાફિક સિગ્નલ પર પોતાની કારમાં હતા ત્યારે તેમના પર ફાયરિંગ કરાયું હતું.જેમાં તેમનું મોત થયું હતું.બનાવ બાદ મુંબઈ પોલીસે તમામ સીસીટીવી ચેક કર્યા બાદ રાજકોટના મહેક નારિયા અને ત્રણ શૂટર કૌશલકુમાર યાદવ,ગૌરવકુમાર યાદવ અને સોનુકુમાર યાદવની ધરપકડ કરી હતી.
પુછપરછ દરમિયાન મહેક નારિયાએ પોલીસને જણાવ્યું હતું કે સવજીભાઈ પેટલની હત્યા માટે બિહારથી રૂ. 25 લાકની સોપારી આપી આ ત્રણેય શૂટરોને બોલાવા હતા.વાત એમે છે કે 1998માં બચુભાઈ ઘના પટણીની સાંયમાં હત્યા થઈ હતી.જેમાં સવજીભાઈ સહ આરોપી તરીકે હતા,પરંતુ કોર્ટે તેમને નિર્દોષ છોડ્યા હતા.આ ઉપરાંત સાંયમાં પોતાના વર્ચસ્વને લઈને સવજીભાઈએ તેના વિરોધીઓને માર માર્યાનો પણ આરોપ હતો.જેના પગલે સવજીભાઈની હત્યાનું કાવતરું ઘડાયું હતું.
મુંબઈ સ્થીત રાપરના બે વ્યક્તિએ આ કાવતરું ધડ્યું હોવાની પોલીસને શંકા છે.પોલીસ મુંબઈના સૂત્રધારની શોધખોળ કરી રહી છે.
પોલીસ સ્ટેશનના સિનિયર ઇન્સ્પેક્ટર તાનાજી ભગતે કહ્યું હતું કે આ કેસમાં સીસીટીવી કેમેરાનાં ફુટેજ મળ્યાં હતાં અને એ પછી ટેક્નિકલ સપોર્ટ લઈને કેસની ઝડપી અને ઝીણવટભરી તપાસ કરાઈ હતી.સીસીટીવી કેમેરાનાં ફુટેજમાં બાઇકનો નંબર મળ્યો હતો અને એ બાઇક મેહેક જયરામ નારિયાના નામે રજિસ્ટર હતી.મેહેક પણ કન્સ્ટ્રક્શનનું કામ કરે છે અને નાની બે-ત્રણ ટકા પાર્ટનરશિપ સાથે અલગ-અલગ ગ્રુપમાં ગુજરાતમાં તેમના વતનમાં કામ કરે છે.વળી મેહેક નારિયા અને મૃતક સવજીભાઈ એકબીજાને ઓળખે છે.
