રોહતક : હરિયાણા પોલીસે ‘વારિસ પંજાબ દે’ના ભાગેડુ વડા અમ્રિતપાલ સિંહ અને તેના સાથી પાપલપ્રીત સિંહને કુરુક્ષેત્ર જિલ્લાના પોતાના ઘરમાં આશ્રય આપનાર મહિલા બલજિત કૌરની રવિવારે ધરપકડ કરી તેને પંજાબ પોલીસને હવાલે કરી છે, જ્યારે પંજાબ પોલીસે ખાલિસ્તાનતરફી ઉપદેશક અમ્રિતપાલ સિંહના ગનમૅનને પકડ્યો છે.આ ગનમૅનની ઓળખ પંજાબના મંગેવાલ ગામના રહેવાસી તેજિન્દર સિંહ ઉર્ફે ગોરખાબાબા તરીકે કરવામાં આવી છે,પરંતુ શાહબાદ વિસ્તારની રહેવાસી બલજિત કૌરની ધરપકડને પગલે હરિયાણા પોલીસને અમ્રિતપાલ સિંહ પંજાબમાંથી નાસી ગયો હોવાના નિર્દેશ મળ્યા હોવાનું કુરુક્ષેત્રના સુપરિન્ટેન્ડન્ટ ઑફ પોલીસ સુરિન્દર સિંહ ભોરિયાએ જણાવ્યું હતું.પંજાબ પોલીસે ગઈ કાલે શોધી કાઢ્યું હતું કે અમ્રિતપાલ સિંહે અમ્રિતસરના તેના ગામ જલ્લુપુર ખેરા નજીક ફાયરિંગ રેન્જ પણ બનાવી હતી,તેમાં ખાલિસ્તાન તરફી ઉપદેશક દ્વારા તૈયાર કરવામાં આવેલી આનંદપુર કાલસા ફૌજ (એકેએપ)ની તસવીરો પણ મળી આવી હતી.અહીં તેઓ અન્ય ગુનાહિત સામગ્રી સાથે હથિયારોના ઉપયોગની પ્રેક્ટિસ પણ કરતા હતાં.
અમ્રિતપાલ સિંહ પંજાબથી પલાયન : આશ્રય આપનાર મહિલાની ધરપકડ
