વલસાડ : વલસાડ જિલ્લાના વાપીના રાતા ગામમાં શિવ મંદિર દર્શને ગયેલા વાપી ભાજપ ઉપ પ્રમુખની હત્યા કરવાનો બનાવ બન્યો છે.જૂની અદાવતમાં ભાજપ ઉપ પ્રમુખ પર ધડાધડ ફાયરિંગ કરાતા તેમને 3 જેટલી ગોળીઓ વાગી હતી.આથી તેમને ગંભીર હાલતમાં હોસ્પિટલમાં સારવાર માટે ખસેડવામાં આવ્યા હતા. જ્યાં તેમનું મોત નિપજ્યું હતું.
મંદિર શિવજીના દર્શન કરવા જતા હતા અને હત્યા કરાઈ
વિગતો મુજબ, ભાજપના ઉપપ્રમુખ શૈલેષ પટેલ વાપીના રાતા ગામમાં શિવજીના મંદિરે પરિવાર સાથે દર્શન કરવા માટે ગયા હતા.ત્યારે બાઈક પર આવેલા બે અજાણ્યા શખ્સો તેમના પર ફાયરિંગ કરીને ફરાર થઈ ગયા હતા.પ્રાથમિક રીતે જૂના અંગત અદાવતમાં શૈલેષ પટેલની હત્યા કરાઈ હોવાની આશંકા છે.હાલમાં સમગ્ર મામલે પોલીસે તપાસ હાથ ધરી છે.
કોચરવા ગામના નામોટા ફળિયામાં રહેતા હતા
નોંધનીય છે કે, શૈલેષ પટેલ કોચરવા ગામના નામોટા ફળિયામાં રહતા હતા.ગોળીબાર થતા તેમને ગંભીર હાલતમાં સારવાર માટે વાપીની હોસ્પિટલમાં ખસેડવામાં આવ્યા હતા.જ્યાં તેમનું સારવાર દરમિયાન મોત નિપજ્યું હતું.તો બીજી તરફ ઘટના સ્થળે પોલીસનો કાફલો ધસી આવ્યો હતો.
અજાણ્યા શખ્સો ગોળી મારીને ફરાર
મળતી માહીતી મુજબ વાપી તાલુકાના ભાજપ ઉપપ્રમુખ શૈલેષ પટેલ પરિવાર સાથે મંદિરે દર્શન કરવા માટે ગયા હતા.આ દરમિયાન વાપીના રાતા ગામે બે બાઇક પર આવેલા અજાણ્યા શખ્સોએ તેમના પર ગોળીબાર કર્યો હતો.અને શૈલેષ પટેલની હત્યા કરીને ફરાર થઈ ગયા હતા.આ ઘટનામાં શૈલેષ પટેલને ગોળી વાગતા તેઓ ત્યાજ ઢળી પડ્યા હતા અને તેમનું ઘટના સ્થળે જ મોત નિપજ્યું હતું.ભાજપના ઉપપ્રમુખ શૈલેષ પટેલની અજાણ્યા શખ્સોએ ગોળી મારીને હત્યા કરી નાખતાં સમગ્ર વિસ્તારમાં ખળભળાટ મચી ગયો છે.
પોલીસે હાથ ધરી
આ ઘટના અંગે પોલીસને જાણ થતાં જ પોલીસની ટીમ તાત્કાલિક ઘટના સ્થળે દોડી આવી હતી.મૃતક શૈલેષ પટેલના મૃતદેહને પોસ્ટમોર્ટમ અર્થે હોસ્પિટલમાં ખસેડવામાં આવ્યો છે.અને આ હત્યારાઓને શોધવા માટે પોલીસે તપાસ હાથ ધરી છે.ત્યારે જૂની અંગત અદાવતમાં હત્યા થઈ હોવાની આશંકા વ્યક્ત કરવામા આવી રહી છે.
