– 94 હજારથી વધુ લોકોને સ્થળાંતર કરીને અસ્થાયી શેલ્ટર હોમમાં ખસેડવામાં આવ્યા
– NDRFની 18 ટીમો ગુજરાતમાં રાખવામાં આવી છે
રાજ્યના તમામ જિલ્લાઓમાં કંટ્રોલ રૂમ કાર્યર : સહાય માટે આ નંબરો પર સંપર્ક કરો
જખૌ પોર્ટથી વાવાઝોડું ફક્ત 140 કિલોમીટર જ દૂર
બિપરજોય વાવાઝોડું ઝડપી ગતિએ હવે ગુજરાત તરફ આગળ વધી રહ્યું છે.હવામાન વિભાગ દ્વારા આપવામાં આવેલી માહિતી અનુસાર હવે જખૌ પોર્ટથી વાવાઝોડું ફક્ત 140 કિલોમીટર જ દૂર રહી ગયું છે.જ્યારે પોરબંદરથી 290 કિ.મી. દૂર છે.તેનો ઘેરાવ 50 કિલોમીટરનો હોવાનો દાવો કરવામાં આવી રહ્યો છે.
મુખ્યમંત્રીના નેતૃત્વમાં સમીક્ષા બેઠકમાં વિવિધ મુદ્દાઓ પર ચર્ચા
મુખ્યમંત્રી ભૂપેન્દ્ર પટેલના નેતૃત્વમાં યોજાયેલી બેઠક દરમિયાન વાવાઝોડાની વર્તમાન સ્થિતિ અને પૂર્વાનુમાન ઉપરાંત તંત્ર દ્વારા નાગરિકોના સ્થાળાંતર,વીજ અને પાણી પૂરવઠો,સંદેશાવ્યવહાર,વન્યજીવોની સુરક્ષા જેવી પહેલાથી કરાયેલી તૈયારીઓની વિગતો મેળવીને તેના પર જરૂરી ચર્ચા વિચારણાં બાદ સૂચનો કરાયા હતા.
દમણના દરિયાકાંઠે ભયંકર મોજા ઊછળ્યાં
હવામાન નિષ્ણાત અંબાલાલે બિપરજોય વાવાઝોડા વિશે આગાહી કરતાં આ વાવાઝોડાંને અતિ ભીષણ ગણાવ્યું છે.વાવાઝોડાંના પગલે અતિ ભારે વરસાદની પણ આગાહી કરી છે.અંબાલાલના મતે જે ગતિએ વાવાઝોડું આગળ વધી રહયું છે તે જોતા રાત્રે કચ્છમાં વાવાઝોડુ લેન્ડફોલ કરશે.વાવાઝોડું કચ્છમાં લેન્ડફોલ કરતા દરિયાકાંઠાના વિસ્તારમાં વધુ નુકસાન કરી શકે છે.આ વિસ્તારમાં 12 બફર્સની માત્રામાં પવન ફૂંકાશે અને અતિથી અતિ ભારે વરસાદની શક્યતા પણ વ્યક્ત કરી છે.
અત્યાર સુધીમાં 94000 લોકોનું સ્થળાંતર
માહિતી અનુસાર અત્યાર સુધીમાં કચ્છ સહિત દરિયાકાંઠાના વિસ્તારોમાંથી કુલ 94000 લોકોને સુરક્ષિત સ્થાનો પર ખસેડવામાં આવ્યા છે.સૌથી વધુ કચ્છમાંથી 46823 લોકોનું સ્થળાંતર કરવામાં આવ્યું છે.
જામનગરના રોઝી બંદરે 10 નંબરનું સિગ્નલ
જેમ જેમ વાવાઝોડું નજીક આવી રહ્યું છે તેમ તેમ તે વધારે ગંભીર થતું જઈ રહ્યું છે.આ દરમિયાન જામનગરના રોઝી બંદરે 10 નંબરનું સિગ્નલ લગાવાયું છે.આ વાવાઝોડાંના ગંભીર થવાના સંકેત આપે છે.
અમદાવાદ પોલીસની મોટી જાહેરાત
અમદાવાદ પોલીસની જાહેરાત અનુસાર જો શહેરમાં વધુ વરસાદ પડશે તો વાહનચાલકોની સલામતીને ધ્યાનમાં રાખી તમામ અંડરબ્રિજ બંધ કરી દેવાશે. સ્થાનિકોને અંડરબ્રિજનો ઉપયોગ ન કરવા પોલીસે સૂચના આપી છે.
પાટણમાં શાળા-કોલેજો રહેશે બંધ
પાટણ જિલ્લામાં શાળા અને કોલેજોમાં શૈક્ષણિક કાર્ય બંધ રાખવાનું વહીવટી તંત્ર દ્વારા એક જાહેરનામું બહાર પાડવામાં આવ્યુ છે.આ જાહેરનામા હેઠળ રાધનપુર,સાંતલપુર અને સમી તાલુકામાં 15 થી 17 જૂન સુધી શૈક્ષણિક કાર્ય બંધ રાખવામાં આવશે.
વાવાઝોડું ક્યાં કોસ્ટથી કેટલું નજીક?
– જખૌ પોર્ટથી 170 કિમી દૂર
– કચ્છના નલિયાથી 190 કિમી દૂર
– દ્વારકાથી 210 કિમી દૂર
– પોરબંદરથી 290 કિમી દૂર
આવતીકાલે આ વિસ્તારોમાં વરસાદની આગાહી
હવામાન વિભાગની અનુસાર, સાયક્લોનના લેન્ડફોલ બાદ કચ્છ,જામનગર,દ્વારકા,રાજકોટ,પોરબંદર,જુનાગઢ,ગીર સોમનાથ,અમદાવાદ,સુરેન્દ્રનગર,અમરેલી અને ભાવનગર,બોટાદ,દિવમાં ગાજવીજ સાથે ભારે વરસાદ થઇ શકે છે.
વાવાઝોડાંનાં લેન્ડફોલમાં વિલંબ થવાની શક્યતા
દરિયાકાંઠાના વિસ્તારોમાં ભારે પવન સાથે ધોધમાર વરસાદ પડી રહ્યો છે.આ દરમિયાન એવા અહેવાલ મળ્યા છે કે બિપરજોય વાવાઝોડાના લેન્ડફોલમાં વિલંબ થઈ શકે છે.તે સાંજે કે પછી મોડી રાતે લેન્ડફોલ કરશે તેવી શક્યતા છે.વાવાઝોડું રાત્રે 8-30 થી 9 વાગ્યા વચ્ચે ટકરાઈ શકે છે.પવનની ઝડપ 115થી 125 પ્રતિકલાક રહી શકે છે.વાવાઝોડું કચ્છના દરિયા કિનારે ટકરાશે.હવામાન વિભાગના અહેવાલ અનુસાર વાવાઝોડું થોડુંક ધીમું પડ્યું છે.જેના લીધે તે ગુજરાતના તટથી ટકરાવામાં વિલંબ કરી શકે છે.આ સાથે અહેવાલ એવા પણ છે કે અમદાવાદમાં પણ વાવાઝોડાંની અસર જોવા મળી શકે છે.
