ગઈકાલે યુપી ATSએ રાજ્યવ્યાપી ઓપરેશન હાથ ધરીને રાજ્યમાં ગેરકાયદેસર રીતે રહેતા 74 રોહિંગ્યાઓની ધરપકડ કરી હતી.રાજ્યના વિશેષ પોલીસ મહાનિર્દેશક પ્રશાંત કુમારે એક નિવેદનમાં જણાવ્યું હતું કે ATSને માહિતી મળી રહી હતી કે કેટલાક રોહિંગ્યા લોકો ઉત્તર પ્રદેશના અલગ-અલગ જિલ્લામાં ગેરકાયદેસર રીતે રહે છે.આના પર ATSએ સ્થાનિક પોલીસ એકમોની મદદથી ઓપરેશન શરૂ કર્યું અને કુલ 74 રોહિંગ્યા લોકોની ધરપકડ કરી હતી.
16 મહિલાઓ અને 58 પુરુષોની થઇ ધરપકડ
રાજ્યના વિશેષ પોલીસ મહાનિર્દેશક પ્રશાંત કુમારે જણાવ્યું હતું કે ધરપકડ કરાયેલા રોહિંગ્યા લોકોમાં 16 મહિલાઓ અને છોકરીઓ અને 58 પુરુષો છે.આ તમામ લોકો સામે કેસ નોંધીને કાર્યવાહી કરવામાં આવી રહી છે.
મથુરા,અલીગઢ અને સહારનપુરમાં ધરપકડ
સરકાર તરફથી મળેલી માહિતી અનુસાર યુપી ATSએ રાજ્યના અલગ-અલગ જિલ્લામાંથી કુલ 74 રોહિંગ્યાઓની ધરપકડ કરી છે,જેમાં મથુરામાંથી 31,અલીગઢમાંથી 17,ગાઝિયાબાદમાંથી 4,હાપુડમાંથી 13, મેરઠ અને સહારનપુરમાંથી 2-2 રોહિંગ્યાઓની ધરપકડ કરવામાં આવી છે.આ ઉપરાંત હાપુડમાંથી 2 પુરૂષ બાળ શોષણ કરનાર અને 1 મહિલા બાળ શોષણ કરનારની ધરપકડ કરવામાં આવી છે.જ્યારે મેરઠમાંથી એક પુરુષ બાળ શોષણ કરનાર અને એક મહિલા બાળ શોષણ કરનારની ધરપકડ કરવામાં આવી છે.
લગભગ 8 કલાક ચાલી હતી કાર્યવાહી
યુપી ATSએ ગઈકાલે વહેલી સવારે મથુરામાં ઝૂંપડપટ્ટીમાં ગેરકાયદેસર રીતે રહેતા રોહિંગ્યા લોકોની ધરપકડ કરી હતી. ATSએ મથુરા પોલીસ સાથે મળીને જૈત વિસ્તારમાં રહેતા રોહિંગ્યાની ધરપકડ કરી હતી. ATS અને મથુરા પોલીસ દ્વારા લગભગ 8 કલાક સુધી ચાલેલી આ કાર્યવાહીમાં 31 રોહિંગ્યાઓની ધરપકડ કરવામાં આવી હતી.
વયસ્કો કરતા બાળકોની સંખ્યા વધુ
વયસ્કો કરતાં બાળકોની સંખ્યા વધુ જોવા મળી હતી.ઉર્દૂની સાથે સાથે એક મૌલવી બાળકોને તમામ પ્રકારની તાલીમ આપતો હતો.આ તમામ બાંગ્લાદેશથી સરહદ પાર કરીને ગેરકાયદેસર રીતે ભારતમાં આવ્યા હોવાની અને અહીં ઝૂંપડપટ્ટીમાં રહેતા હોવાની માહિતી મળી હતી.
