આણંદના કલેક્ટર DS ગઢવી ને તાત્કાલીક અસર થી સસ્પેન્સ કરવામા આવ્યા છે.અને આણંદ કલેકટરનો ચાર્જ ડીડીઓને સોપાયો છે.કલેકટર કક્ષાના અધિકારીને સસ્પેન્ડ કરતા વહીવટી તંત્રમાં સન્નાટો જોવા મળી રહ્યો છે.ક્લીપ વિવાદમાં તેમને સસ્પેન્ડ કરવામા આવ્યા હોવાનું કહેવામા આવી રહ્યું છે.આમ કલેક્ટર કચેરીમાં બહાર આવેલું વીડિયો ક્લિપિંગ તેમને નડી ગયું હોવાનું કહેવામા આવી રહ્યું છે.
આણંદ કલેક્ટર ડી. એસ. ગઢવીને તાત્કાલિક સસ્પેન્ડ કરાતા હળકંપ
પ્રાપ્ત જાણકારી મુજબ ડી.એસ ગઢવી પોતાની જ ચેમ્બરમાં ભારતના રાજચિહ્નોની સામે મહિલા સાથે અધમ કૃત્ય કર્યું હોવાનું સામે આવ્યું છે.રિટાયર્ડમેન્ટના આરે પહોંચેલા IAS ડી.એસ ગઢવીએ કલેક્ટર ચેમ્બરમાં જ મહિલા કર્મચારી સાથે ‘અવર્ણનીય કૃત્ય’ આચર્યા અંગે અહેવાલ પ્રસિધ્ધ થયો હતો.જેના પગલે બુધવારે રાજ્યના સામાન્ય વહિવટ વિભાગ -GADએ ગઢવીને સસ્પેન્ડ કરી દીધા હતા.આ સાથે તેમના અવર્ણનીય કૃત્યની વીડિયો ક્લિપ સાથે અધિક મુખ્ય સચિવ ACS સુનયના તોમરના અધ્યક્ષપદે છ સિનિયરોની કમિટી રચી તપાસ સોપી છે.રાજ્ય સરકારના આ નિર્ણયને પગલે વહિવટી તંત્રમાં હડકંપ મચ્યો છે.ઉચ્ચ અધિકારીઓની લોબીમાં સન્નાટો છવાઈ ગયો છે.તેમજ બીજી તરફ વિરોધીઓ દ્વારા હની ટ્રેપ કરવામાં આવી હોવાની વ્યાપક ચર્ચા પણ થઈ રહી છે.
મહિલા સાથેનો કથિત વીડિયો થયો વાયરલ
જાણકારી મુજબ જાન્યુઆરી- 2023માં ડી.એસ ગઢવીએ પોતાની જ ચેમ્બરમાં મહિલા સાથે અહીં વર્ણન ન કરી શકાય તેવા કૃત્ય અંગેનો વીડિયો સ્પાય કેમેરા અથવા CCTVમાં કેદ થયો હતો.જેના ફુટેજ વાઈરલ થતા રાજ્ય સરકારે IAS ગઢવીને સસ્પેન્ડ કર્યા છે.અને NCS સુનયના તોમર સહિત ત્રણ સિનિયર મહિલા IAS, બે મહિલા સંયુક્ત સચિવ ઉપરાંત એક અધિક સચિવ એમ 6સભ્યોની કમિટીને વીડિયો ફુટેજ સાથે તપાસ સોંપી છે.
આણંદ કલેકટર નો ચાર્જ ડીડીઓને સોપાયો
આ તરફ કલેક્ટરનો ચાર્જ આણંદના DDO મિલિન્દ બાપનાને તત્કાળ અસરથી સોંપવામા આવ્યો છે. IAS ગઢવી 2008 ની બેચના આઈએએસ ઓફિસર છે તેઓ સુરત ડીડીઓ સહિત અનેક જગ્યાએ ફરજ બજાવી ચૂક્યા છે.
56 દિવસ પહેલા મળી હતી ફરિયાદ છતાંય કેમ ન થઈ આણંદના કલેક્ટર સામે કોઈ કાર્યવાહી?
આણંદ જિલ્લા કલેક્ટર ડીએસ ગઢવીને બુધવારે ઓફિસમાં જ મહિલા સાથે ‘આનંદ’ લેવા બદલ તેમના પદ પરથી સસ્પેન્ડ કરવામાં આવ્યા હતા.દિવસ દરમિયાન બહાર પાડવામાં આવેલા એક અલગ આદેશમાં તેમણે કલેક્ટર તરીકે વધારાની જવાબદારીઓ સંભાળવા માટે આણંદના જિલ્લા વિકાસ અધિકારી (DDO) મિલિંદ બાપનાની સરકારે નિમણૂક કરી હતી.આ દરમિયાન હવે એવા પણ અહેવાલ મળ્યા છે કે, ગઢવી સામે બે મહિના પહેલા ફરિયાદ થઈ હતી.મીડિયા રિપોર્ટ અનુસાર સામાન્ય વહીવટ વિભાગે IAS ડી એસ ગઢવીના અધમ કૃત્ય સબબ તપાસ કરી શિક્ષાત્મક કાર્યવાહી માટે ACS સુનયના તોમર,અગ્રસચિવ મમતા વર્મા,કમિશનર મનિષા ચંદ્રા,સંયુક્ત સચિવ ભક્તિ શામળ અને દેવીબહેન પંડ્યા તેમજ GADના અધિક સચિવ અશોક દવેની કમિટી રચી છે.ઉપસચિવ જૈમિન શાહની સહીથી ઈન્કવાયરી કમિટીના આદેશમાં કહેવાયું છે કે, આણંદના મનુભાઈ કેશવલાલ પઢિયારે 13 જૂન 2023ના રોજ વિડીયો ક્લિપ સાથે કલેક્ટરના અધમ કૃત્ય અંગે ફરિયાદ કરી હતી.આમ 56 દિવસ પહેલા GAD પાસે આ ફરિયાદ હતી તેમ છતાંય તેમની સામે કોઈ કાર્યવાહી કેમ ન કરવામાં આવી? તે મોટો સવાલ છે.
સરકારી સૂત્રોએ ખુલાસો કર્યો કે વિડીયો ક્લિપની સાથે વાંધાજનક વોટ્સએપ વાતચીતો પણ અધિકારીઓના ધ્યાન પર લાવવામાં આવી છે.ગઢવીનો ફોન ફોરેન્સિક સાયન્સ લેબોરેટરીમાં મોકલવામાં આવશે તેવું જાણવા મળ્યું છે.સરકારના સૂત્રોએ સંકેત આપ્યો છે કે કમિટી સુરત અને ખેડા જિલ્લામાં ડીડીઓ તરીકેના કાર્યકાળ દરમિયાન ગઢવી સામેની ફરિયાદો પણ તપાસશે.આ ફરિયાદો, અપૂરતા પુરાવાઓને કારણે સામાન્ય વહીવટ વિભાગ (GAD)માં કથિત રીતે પડતર હતી.
