ચીન જેને પોતાનો એક હિસ્સો ગણાવે છે તેવુ તાઈવાન ભારતની નજીક આવવા માટે તો કેટલાય સમયથી પ્રયત્ન કરી રહ્યુ છે.હવે તાઈવાનમાં ભારત અને તાઈવાનના સાંસ્કૃતિક સબંધો વધારે મજબૂત બને તેવુ કામ થયુ છે.તાઈવાનની રાજધાની તાઈપેઈમાં એક હિન્દુ મંદિરનુ ઉદઘાટન કરવામાં આવ્યુ છે.તાઈવાનના હિન્દુ મંદિરને બધાનુ મંદિર એવુ નામ આપવામાં આવ્યુ છે.બંને દેશોના લોકો વચ્ચેના સબંધોમાં એક મહત્વનો માઈલ સ્ટોન આ મંદિર સાબિત થઈ શકે છે.આ મંદિર નિર્માણનુ શ્રેય બે દાયકાથી તાઈવાનમાં વસેલા પ્રવાસી ભારતીય અને એક પ્રસિધ્ધ ઈન્ડિયન રેસ્ટોરન્ટના માલિક એન્ડી સિંહ આર્યને આપવામાં આવી રહ્યુ છે.
તાઈવાનમાં આઈઆઈટી ઈન્ડિયન્સ ગ્રુપની સ્થાપના કરનાર પૈકીના એક ડોક્ટર પ્રિયા લાલવાણીએ કહ્યુ હતુ કે, તાઈવાનમાં રહેનારા ભારતીયો માટે જ નહીં પણ તાઈવાનના નાગરિકો માટે પણ આ મંદિર મહત્વ ધરાવે છે.આ મંદિર બતાવે છે કે, તાઈવાનના લોકોને પણ તેની અગત્યતતાની જાણકારી છે.ભારત અને તાઈવાનના સાંસ્કૃતિક સબંધોમાં આ એક ઐતહાસિક પળ છે.મંદિર તાઈવાન માટે શુભ સાબિત થશે અને આ દેશમાં ખુશીઓ તેમજ શાંતિ લઈને આવશે.
તાઈવાને તાજેતરમાં જ મુંબઈમાં તાઈપેઈ ઈકોનોમિકલ એન્ડ કલ્ચરલ સેન્ટર સ્થાપિત કરવાની યોજના અંગે પણ જાણકારી આપી હતી.તાઈવાન અને ભારત વચ્ચેનો વેપાર એમ પણ ઝડપથી વધી રહ્યુ છે.બંને દેશો ટેકનોલોજી,મેડિકલ ઈક્વિપમેન્ટ, ઓટોમોબાઈલ સેક્ટરમાં રોકાણ કરી રહ્યા છે.તાઈવાનમાં પહેલેથી એક ઈસ્કાન મંદિર અને ગણપતિ બાપાનુ એક મંદિર અસ્તિત્વ ધરાવે છે અને હવે વધુ એક મંદિરનુ નિર્માણ થયુ છે.
