મહારાષ્ટ્રમાં હવે MA ઈતિહાસના અભ્યાસક્રમને લઈને રાજકીય વિવાદ ઉભો થયો છે.નાગપુર યુનિવર્સિટીએ તેના MA ઇતિહાસના અભ્યાસક્રમમાંથી CPI વિષેના ચેપ્ટરને બદલીને BJP પરના એક ચેપ્ટરનો ઉમેરો કરવામાં આવ્યો છે.તે જ સમયે, અગાઉના અભ્યાસક્રમમાં સમાવિષ્ટ જનસંઘ અને રિપબ્લિકન પાર્ટીને યથાવત રાખવામાં આવી છે.યુનિવર્સિટી પ્રશાસનનું કહેવું છે કે, નવા અભ્યાસક્રમનો હેતુ વિદ્યાર્થીઓને ભાજપની સ્થાપના,કાર્યપ્રણાલી અને ઈતિહાસ વિશે શીખવવાનો છે.આટલું જ નહીં યુનિવર્સિટીએ કોંગ્રેસના સહયોગી ડીએમકે પરનું એક ચેપ્ટર હટાવીને AIADMKને સ્થાન આપવામાં આવ્યું છે. AIADMK એ હાલમાં BJPની સાથે જોડાયેલી પાર્ટી છે.
ખાલિસ્તાન વિશેના ચેપ્ટરને હટાવ્યું
ખાલિસ્તાનની વિષય પરનું પણ એક પ્રકરણ અત્યાર સુધી શીખવવામાં આવતું હતું,તે પણ હટાવી દેવામાં આવ્યું છે.યુનિવર્સિટીના સૂત્રોના જણાવ્યા અનુસાર, એક ચેપ્ટરનો ઉમેરો કરવામાં આવ્યો છે જે રામજન્મભૂમિના વિવાદની માહિતી આપે છે.આ પ્રકરણનું શીર્ષક ‘1980 થી 2000 દરમિયાન ભારતીય જન આંદોલન’ રાખવામાં આવ્યું છે.આમાં,રામ મંદિર ચળવળ વિશે શીખવવામાં આવશે, જેણે ભારતીય રાજકારણમાં મોટા ફેરફારો કર્યા અને ભાજપનો ઝડપી વિકાસ થયો.અગાઉ 2019માં પણ યુનિવર્સિટીને આવા જ વિવાદનો સામનો કરવો પડ્યો હતો.ત્યારબાદ યુનિવર્સિટીએ BA ઈતિહાસના ચોથા સેમેસ્ટરના અભ્યાસક્રમમાં RSS પર એક ચેપ્ટરનો સમાવેશ કર્યો હતો.મહત્વની વાત તો એ છે કે RSSનું મુખ્યાલય પણ નાગપુરમાં જ છે.
મુસદ્દો તૈયાર કરનાર સમિતિએ કહ્યું-આમાં ખોટું શું છે?
નવા અભ્યાસક્રમનો મુસદ્દો તૈયાર કરનાર સમિતિનો ભાગ રહેલા શ્યામ કોરેટીએ જણાવ્યું હતું કે, ભાજપની પુરોગામી પાર્ટી જનસંઘનો તેમાં પહેલેથી જ સમાવેશ કરવામાં આવ્યો હતો.તો CPI(M)ને સામેલ કરવામાં ખોટું શું છે? તેમણે CPIને હટાવવાને પણ યોગ્ય ઠેરવ્યું અને કહ્યું કે હવે આ પાર્ટી રાષ્ટ્રીય પાર્ટી નથી.તેથી જ તેને હટાવીને ભાજપને સ્થાન આપવામાં આવ્યું છે.ભાજપનો રાષ્ટ્રીય સ્પ્રેડ છે અને CPI કરતા ઘણો મોટો સ્પ્રેડ છે.તેમણે એમ પણ કહ્યું કે, અમે 2010 સુધીનો ભાજપનો ઈતિહાસ અભ્યાસક્રમમાં રાખ્યો છે.આપણે બાળકોને ખોટી બાબતો શીખવી ન શકીએ.
