– ઉત્તરાખંડની 1 અને ત્રિપુરાની 2 વિધાનસભા બેઠકો પર ભગવો લહેરાયો
– કેરળની પુથુપલ્લીમાં કોંગ્રેસ,બંગાળની ધુપગુડીમાં ટીએમસીની જીત
દેશમાં ઈન્ડિયા અને એનડીએ ગઠબંધનના શક્તિપ્રદર્શન વચ્ચે 6 રાજ્યોની 7 વિધાનસભા બેઠકોની પેટાચૂંટણીના પરિણામો આવી ગયા છે.ભાજપે કુલ 7 બેઠકોમાંથી 3 પર જીત મેળવી છે,તો ઈન્ડિાય ગઠબંધને 4 બેઠકો પર ઝંડો લહેરાવ્યો છે… આ 7 બેઠકોમાંથી સૌથી વધુ ચર્ચાસ્પદ બનેલી ઉત્તર પ્રદેશની ઘોસી બેઠક પર ભાજપની શરમજનક હાર થઈ છે.આ બેઠક પરથી સમાજવાદી પાર્ટીના સુધાકર સિંહે ભાજપના દારા સિંહ ચૌહાણ સામે મોટા માર્જીનથી જીત મેળવી છે.ઉપરાંત ટીએમસી,કોંગ્રેસ અને ઝારખંડ મુક્તિ મોર્ચાને પણ એક-એક બેઠક મલી છે.
જુઓ 6 રાજ્યોની 7 વિધાનસભા બેઠકોની પેટાચૂંટણીના પરિણામો
ઝારખંડની ડુબરી બેઠક : ઝારખંડ મુક્તિ મોર્ચા (JMM)ની બેબી દેવીની 15 હજાર મતોથી જીત થઈ છે.
પશ્ચિમ બંગાળની ધુપગુડી બેઠક : TMCના ઉમેદવાર નિર્મલ ચંદ્ર રોયની 4000 મતોથી જીત થઈ છે.
ત્રિપુરાની ધનપુર અને બોક્સાનગર બેઠક : ભાજપના બિંદુ દેબનાથ અને તફજ્જલ હુસૈનની જીત થઈ છે.
ઉત્તરાખંડની બાગેશ્વર બેઠક : ભાજપની પાર્વતી દાસની કોંગ્રેસના વસંત કુમાર સામે અઢી હજાર મતોથી જીત થઈ છે.
કેરલની પુથપલ્લી બેઠક : કોંગ્રેસના ઓમાન ચાંડીનો લેફ્ટના જૈક થોમસ સામે 37000 મતોથી વિજય થયો છે.
ઉત્તર પ્રદેશની ઘોસી બેઠક : સમાજવાદી પાર્ટી (SP)ના સુધાકર સિંહે ભાજપના દારા સિંહ ચૌહાણને 40 હજાર મતોથી હાર આપી છે.
INDIA ગઠબંધનની અગ્નિપરીક્ષા
આગામી વર્ષે લોકસભાની ચૂંટણી જ્યારે વર્ષના અંતે વિધાનસભાની ચૂંટણી પહેલા યોજાયેલ આ પેટાચૂંટણી INDIA ગઠબંધન માટે ટેસ્ટ સમાન જોવાઈ રહી છે.પશ્ચિમ બંગાળની પેટાચૂંટણીની વાત કરીએ તો ધુપગુડી બેઠક પર સત્તાધારી ટીએમસીને ટક્કર આપવા માટે સીપીએમ અને કોંગ્રેસે હાથ મિલાવી લીધા છે.સંયોગથી આ ત્રણેય પક્ષો INDIA ગઠબંધનનો ભાગ છે.
