ટ્રમ્પને બ્રાઝિલમાં મોટો રાજકીય ઝટકો! લૂલા ડા સિલ્વાની જીતથી અમેરિકી પ્રભાવને પડકાર

લૂલા ડા સિલ્વાની જીતથી બ્રાઝિલની વામપંથી રાજનીતિને વધુ મજબૂતી મળવાનો સંકેત આપવામાં આવી રહ્યો છે.લેટિન અમેરિકાની સૌથી મોટી અર્થવ્યવસ્થા ધરાવતા બ્રાઝિલમાં સરકારની નીતિઓની અસર સમગ્ર ક્ષેત્રના રાજકીય અને આર્થિક સમીકરણો પર પડી શકે છે.ખાસ કરીને અમેરિકા સાથેના વેપાર સંબંધો, વિદેશ નીતિ અને પ્રાદેશિક સહયોગના મુદ્દાઓ પર નવી સરકારનું વલણ મહત્ત્વપૂર્ણ રહેશે.વિજય બાદ સાઓ પાઉલોમાં સંબોધન કરતાં લૂલા ડા સિલ્વાએ લોકશાહી સંસ્થાઓની રક્ષા અને દેશના તમામ નાગરિકો માટે કામ કરવાની પ્રતિબદ્ધતા વ્યક્ત કરી હતી.તેમણે રાજકીય મતભેદોને બાજુ પર રાખીને સમગ્ર દેશના હિતમાં સરકાર ચલાવવાની વાત કરી હતી.લૂલાએ પોતાના સંબોધનમાં અમેરિકાના પ્રભાવ અંગે પણ સ્પષ્ટ સંદેશ આપ્યો હતો.તેમણે કહ્યું હતું કે, બ્રાઝિલ કોઈના પ્રભાવ હેઠળ નથી.તેમના આ નિવેદનને બ્રાઝિલની સ્વતંત્ર વિદેશ નીતિ અને રાષ્ટ્રીય હિતોને પ્રાથમિકતા આપવાના અભિગમ સાથે જોડવામાં આવી રહ્યું છે.આ ચૂંટણીને કારણે બ્રાઝિલ અને અમેરિકા વચ્ચેના સંબંધો પર પણ ધ્યાન કેન્દ્રિત થયું છે.ફ્લેવિયો બોલ્સૌનારોના પ્રચારમાં વોશિંગ્ટન સાથેના સંબંધો મહત્ત્વપૂર્ણ મુદ્દો હતા,જ્યારે લૂલા ડા સિલ્વાએ બ્રાઝિલની સ્વાયત્તતા અને લોકશાહી સંસ્થાઓ પર ભાર મૂક્યો હતો.બ્રાઝિલના રાજકીય ભવિષ્ય માટે આ પરિણામ કેટલું નિર્ણાયક સાબિત થશે તે નવી સરકારની આર્થિક નીતિઓ,આંતરરાષ્ટ્રીય વેપાર અને વિદેશી સંબંધો અંગેના નિર્ણયો પરથી સ્પષ્ટ થશે.લેટિન અમેરિકામાં બ્રાઝિલનું વ્યૂહાત્મક મહત્ત્વ જોતાં આ રાજકીય ઘટનાની અસર માત્ર દેશ પૂરતી મર્યાદિત રહેવાની નથી.