આ વીડિયો TikTok પર @Chevisjunior નામના યુઝરે શેર કર્યો હતો.ત્યારબાદ તે અન્ય સોશિયલ મીડિયા પ્લેટફોર્મ પર પણ ફેલાઈ ગયો છે.વિવિધ પ્લેટફોર્મ પર લોકો વીડિયો શેર કરીને તેના વિશે અલગ-અલગ પ્રતિક્રિયાઓ આપી રહ્યા છે.કેટલાક યુઝર્સ તેને કુદરતી રીતે બનેલી દુર્લભ ઘટના તરીકે જોઈ રહ્યા છે, તો કેટલાક લોકો વીડિયો કૃત્રિમ બુદ્ધિમત્તા એટલે કે AIની મદદથી બનાવવામાં આવ્યો હોવાની શક્યતા વ્યક્ત કરી રહ્યા છે.વીડિયો ક્યાંનો છે અને ક્યારે બનાવવામાં આવ્યો હતો તેની ચોક્કસ માહિતી સામે આવી નથી.બાળક ખરેખર મૂછો અને દાઢી સાથે જન્મ્યું છે કે વીડિયોમાં ડિજિટલ ટેકનોલોજીનો ઉપયોગ કરવામાં આવ્યો છે તે પણ સ્પષ્ટ થયું નથી.
AIથી બનાવવામાં આવતા વીડિયો અને તસવીરો વધુ વાસ્તવિક બનતાં જાય છે.તેમાં નવજાત બાળકના ચહેરા, હાવભાવ અને આસપાસના વાતાવરણને પણ એટલી કુશળતાથી દર્શાવી શકાય છે કે અસલી અને નકલી વચ્ચેનો તફાવત પારખવો મુશ્કેલ બને છે.આ વાયરલ વીડિયોએ પણ લોકોમાં આવી જ ઉત્સુકતા જગાવી છે.હાલમાં આ બાળકનો અસામાન્ય દેખાવ અને તેના હળવા હાવભાવ જ સોશિયલ મીડિયા પર આકર્ષણનું કેન્દ્ર બન્યા છે.કેટલાક લોકો વીડિયો જોઈને આશ્ચર્ય પામી રહ્યા છે, તો કેટલાક તેને મનોરંજક ગણાવી રહ્યા છે.બાળકના જન્મને લગતા દાવા કરતાં વધુ ચર્ચા હવે એ વાતની થઈ રહી છે કે આ વીડિયો ખરેખર કુદરતી દૃશ્ય છે કે AIની કમાલ.
