દેશમાં કોરોના વાયરસનો કહેર સતત વધી રહ્યો છે.દેશમાં અલગ અલગ ભાગમાં કોરોના પોઝિટીવના કેસ આવી રહ્યા છે.જે તેની સામે લડી રહ્યા છે. મુંબઈ બાદ હવે ચેન્નઈમાં પણ એક ન્યૂઝ ચેનલમાં 25 કર્મચારીનો કોરોના રિપોર્ટ પોઝિટીવ આવ્યો છે.આ રિપોર્ટ આવ્યા બાદ ચેનલે પોતાના લાઈવ કાર્યક્રમ પણ રોકી દીધો છે.
ચેનલમાં 25 લોકોના રિપોર્ટ પોઝિટીવ
રાજ્ય સરકાર તરફથી જાહેર કરાયેલા આ નિવેદનમાં કહેવાયુ છે કે,તમિલ ન્યૂઝ ચેનલમાં કામ કરતા 25 લોકોના કોરોના વાયરસ પોઝિટીવ આવ્યો છે. જેમાં પત્રકારો, કેમેરામેન અને અન્ય લોકો પણ સામેલ છે.
લાઈવ શૉ રદ કરી દીધો
આપને જણાવી દઈએ કે,આ ન્યઝ ચેનલમાં લગભગ 94 લોકોના કોરોના ટેસ્ટ કરાવ્યા હતા.જેના કારણે ચેનલે પોતાનો લાઈવ પ્રોગામ પણ રદ કરવો પડ્યો હતો.પોઝિટીવ કેસ આવ્યા બાદ અન્ય લોકોને પણ કોરન્ટાઈન કરાયા છે.
મુંબઈમાં પણ કોરોના પોઝિટીવ થયા પત્રકારો
અગાઉ સોમવારના રોજ મુંબઈમાં પણ પત્રકારો કોરોના વાયરસથી પીડિત હોવાની ખબરો આવી છે.મુંબઈમાં કોરોના વાયરસને લઈ રિપોર્ટીંગ અને કવરેઝ કરી રહેલા 53 પત્રકારોના રિપોર્ટ પોઝિટીવ આવ્યા છે.મુંબઈમાં 170થી પણ વધારે પત્રકારોના ટેસ્ટ કરાવ્યા હતા.
