વોર્સો : પોલેન્ડે રવિવારે જણાવ્યું હતું કે વાસ્તવમાં તો નાટો દ્વારા યોજાઈ રહેલી આ એક પરંપરાગત કવાયત જ છે.પરંતુ યુક્રેન યુદ્ધને લીધે તેમાં વધુ તીવ્રતા લાવવી પડી છે.આ કવાયતમાં ૧૮૦૦૦ જેટલા સૈનિકો આધુનિક શસ્ત્ર સરંજામ સાથે યુદ્ધ અભ્યાસ કરી રહ્યા છે.જેમાં યુરોપના ૨૦ દેશો ભાગ લઈ રહ્યા છે.આ સાથે પોલેન્ડની સરકારે જન સામાન્યને ચેતવણી આપતાં જણાવ્યું હતું કે આ કવાયતમાં ભાગ લઈ રહેલા લશ્કરી વાહનોની આવન જાવન અંગે એક પણ શબ્દ ઉચ્ચારવો નહીં.તેમજ તે લશ્કરી વાહનોના ફોટા પણ લેવા નહીં.આ કવાયત આગામી કેટલાક સપ્તાહો સુધી ચાલુ રહેવાની છે.તે દરમિયાન કોઈએ કોઈ ફોટા ખેંચવા નહીં કે તે વિષે લાંબી ચર્ચા પણ કરવી નહીં.કારણ કે આવી વિચાર્યા વગરની કાર્યવાહીથી ગઠબંધન ઉપર માઠી અસર પડશે.આપણે તેનાં ભયસ્થાનો સમજી લેવા જોઈએ.આ અંગે પોલિસ-આર્મીએ જણાવ્યું હતું કે આ કવાયતને ડીફેન્ડર-યુરોપ – ૨૦૨૨ તેવું નામ અપાયું છે.આ ઉપરાંત એક અત્યંત મહત્વની કવાયત સ્વિફટ રીસપોન્સ -૨૦૨૨માં પોલેન્ડ સહિત ૮ દેશો ભાગ લઈ રહ્યા છે. જેમાં આક્રણ થાય તો તુર્ત જ તેનો વળતો પ્રહાર તીવ્ર ગતિએ કેમ કરવો તેની તાલિમ પણ આપવામાં આવી રહી છે.નિરીક્ષકો આ કવાયતોને વર્તમાન રશિયા-યુક્રેન યુદ્ધ સંદર્ભે અતિ મહત્વની માને છે.
પૂર્વ યુરોપમાં નાટોની લશ્કરી કવાયત : 20 દેશોના 18000 સૈનિકો ડિફેન્સ યુરોપ-2022 સક્રિય
