પુણે : મહારાષ્ટ્રના નવા નાથ તરીકે એકનાથ શિંદેએ મુખ્યમંત્રી પદના શપણ ગ્રહણ કર્યા બાદ એનસીપી વડા શરદ પવારે પ્રેસ કોન્ફરન્સ યોજી હતી.શરદ પવારે જણાવ્યું કે,કોઈએ પણ વિચાર્યું નહતું કે એકનાથ શિંદે મુખ્યમંત્રી બનશે.આ ઉપરાંત શરદ પવારે નાયબ મુખ્યમંત્રી બનેલા ભાજપના નેતા દેવેન્દ્ર ફડણવિસની બોડી લેન્ગવેજ પર સવાલ ઉઠાવ્યા હતા અને જણાવ્યું કે તેઓ બિલદુલ ખુશ દેખાતા નહતા.મહારાષ્ટ્રમાં સરદાર બદલાયા બાદ શરદ પવારને ઈન્કમ ટેક્સની નોટિસ મળતા એનસીપીએ સવાલ ઉઠાવ્યો છે.
શરદ પવારે જણાવ્યું કે,હું એકનાથ શિંદેને તેમની નવી જવાબદારી બદલ અભિનંદન આપું છું.તેમણે આટલી મોટી સંખ્યામાં ધારાસભ્યોને ગુવાહાટી લઈ જઈને હિંમત બતાવી.તેમણે લોકોને શિવસેના છોડવા માટે પ્રેરણા આપી.એકનાથ શિંદે મુખ્યમંત્રી બનશે તેવી કોઈએ કલ્પના પણ કરી નહતી.
શરદ પવારે ફડણવિસ પર નિશાન સાધતા જણાવ્યું કે,તેઓ નંબર ટુના હોદ્દાથી ખુશ જણાતા નહતા.તેમના ચહેરાના હાવભાવ પરથી બધું જ સ્પષ્ટ થઈ શકતું હતું.તેઓ અગાઉ રાજ્યના મુખ્યમંત્રી રહ્યા તેમજ વિપક્ષના નેતા પણ હતા.આજે તેમણે નાયબ મુખ્યમંત્રીનું પદ સ્વીકાર્યું.જ્યારે તેમણે નાયબ મુખ્યમંત્રી પદના શપથ લીધા ત્યારે તેમની બોડી લેન્ગવેજ હકારાત્કમ જણાતી નહતી.તેઓ ખુશ નહતા પરંતુ તેઓ સંઘના અનુશાસનમાં રહ્યા છે માટે તેમણે રાજ્યના નાયબ મુખ્યમંત્રીનું પદ સ્વીકાર્યું છે.
ઉદ્ધવ ઠાકરે માટે શરદ પવારે જણાવ્યું કે,તેમણે અલ્પમતને શાલીનતાથી સ્વીકાર્યો હતો અને રાજીનામું આપ્યું હતું.તેમને સત્તાનો મોહ નથી રાખ્યો. શિવસેના,કોંગ્રેસ અને એનસીપીનું ભાવિ હજુ નક્કી નથી. શરક પવારે આક્ષેપ કરતા જણાવ્યું કે,કેન્દ્ર સરકાર દ્વારા કેન્દ્રીય તપાસ સંસ્થાઓનો દુરૂપયોગ કરવામાં આવી રહ્યો છે અને અનેક નેતાઓ પાછળ ઈડીને લગાવવામાં આવ્યું છે.2004 પછીના ગાળામાં ચૂંટણીમાં નામાંકન સાથેની એફિડેવિટના મામલે મને ઈન્કમ ટેક્સની નોટિસ મોકલવામાં આવી છે.ઈડી,આઈટી અને સીબીઆઈની નોટિસો મોકલવામાં આવે છે જે ચિંતાનજક છે.
