સ્વાસ્થ્ય કાર્યકર્તાઓ પર પથ્થરમારો અને લાકડીથી ફટકારીને માર્યા : ગાળો આપીને ભગાડયા : એકબાજુ કોરોનાના યોધ્ધાઓને સલામ કરી રહ્યો છે દેશ પરંતુ અમુક સ્થળોએ થઇ રહ્યા છે હુમલા
નવી દિલ્હી તા. ૨ : કોરોના વાઈરસની મહામારી વચ્ચે જીવની ચિંતા કર્યા વગર જનસેવામાં લાગેલા અધિકારીઓ અને કર્મચારીઓને મુશ્કેલીનો સામનો કરવો પડી રહ્યો છે.મધ્યપ્રદેશના ઈન્દોરમાં ટાટપટ્ટી બાખલ વિસ્તારમાં બુધવારે સંક્રમણના શંકાસ્પદોનું સ્ક્રીનીંગ કરવા પહોંચેલા સ્વાસ્થ્ય કાર્યકર્તાઓ પણ લોકોએ પથ્થરમારો કર્યો હતો.આ અંગે પોલીસે કેસ નોંધી લીધો છે.તો બીજી બાજું ઉત્ત્।રપ્રદેશમાં મુઝફફરનગરના મોરનામાં લોકડાઉનનું ઉલ્લંઘન કરી રહેલા લોકોએ પોલીસ પાર્ટી પર હુમલો કર્યો હતો,જેમાંથી એક સબ ઈન્સ્પેકટર અને કોન્સ્ટેબલ અકીલા ઘાયલ થયો છે.તબલીગી જમાતનાં લોકો તબીબી કર્મચારીઓને તપાસ સમયે જરાય સાથ સહકાર આપી રહ્યા નથી.તેમને તુકલબાદના આઇસોલેશન વોર્ડમાં મૂકવામાં આવ્યા છે.તેઓ અહીં અનેક જગ્યાઓએ થૂંકી રહ્યા છે.જેના કારણે કોરોના ફેલાવવાની શકયતા પણ વધી રહી છે.આ સાથે જ તેઓ સારવાર કરી રહેલા ડોકટર્સ પર પણ થૂંકી રહ્યા છે.નિઝામુદ્દીનને હાંકી કાઢવામાં આવેલા તબલીગી જમાતનાં લોકો તેમની તપાસ અને સારવારમાં ડોકટરોને જરા પણ સમર્થન આપી રહ્યા નથી. તુકલકાબાદમાં રાખવામાં આવેલા કેટલાક તબલીગી જમાત લોકો તબીબી કર્મચારીઓ સાથે ગેરવર્તન કરી રહ્યા છે,એટલું જ નહીં, તેઓએ તબીબી કર્મચારીઓ પર થૂંકી રહ્યા છે,નર્સ સાથે અભદ્ર વર્તન કરી રહ્યા છે અને બિનજરૂરી ચીજોની માંગ પણ શરૂ કરી દીધી છે.
પ્રાપ્ત માહિતી અનુસાર રેલ્વેએ મરકઝને ખાલી કર્યા પછી તુકલકાબાદના આઈસોલેશન વોર્ડમાં તબલીગી જમાતના ૧૬૭ લોકોને રાખવામાં આવ્યા છે. ઙ્ગઆ તમામ લોકોને ડીઝલ શેડ ટ્રેનિંગ સેન્ટરમાં અને ૭૦ને આરપીએફ બેરેકમાં રાખવામાં આવ્યા છે.મળતી માહિતી મુજબ જમાતમાંથી આવેલા લોકો ત્યાં જરા પણ સહકાર આપી રહ્યા નથી.કેન્દ્રની આસપાસ ફરવા સાથે, ગેરજરૂરી ચીજોની માંગણીઓ કરી રહ્યા છે.આ સાથે તેઓ ગમે ત્યાં થૂંકી રહ્યા છે અને સારવાર કરનારા સ્ટાફ પર પણ થૂંકી રહ્યા છે.
ઉલ્લેખનીય છે કે કોરોના વાયરસ ફેલાવવામાં સ્પિટ મોટી ભૂમિકા ભજવે છે.નિઝામુદ્દીનમાં તબ્લીગી જમા દેશના કોરોનામાં સૌથી મોટો હોટસ્પોટ બની ચૂકયું છે.બુધવારે દિલ્હીમાં હાજર થયેલા ૩૨ નવા દર્દીઓમાંથી ૨૯ દર્દીઓ મરકઝના છે.દેશભરમાં પહોંચેલા આ લોકોમાં અત્યાર સુધીમાં ૩૦૦ થી વધુ રોગચાળાના દર્દીઓ મળી આવ્યા છે.તેમાંથી ૧૧૦ બુધવારે તમિલનાડુમાં દેખાયા હતા.માત્ર દિલ્હી-એનસીઆર જ નહીં,જમાતનાં લોકોને દેશભરમાં યુદ્ઘના ધોરણે શોધવામાં આવી રહ્યા છે.નિઝામુદ્દીનમાં મરકઝનું મકાન ખાલી કરાવવા માટે ૩૬ કલાકની કામગીરી બુધવારે સવારે પૂર્ણ થઈ હતી.દિલ્હી સરકારે કહ્યું કે માર્કઝથી ૨,૩૬૧ લોકોને સ્થળાંતર કરાયા હતા,જેમાંથી ૭૬૬ લોકોને હોસ્પિટલોમાં દાખલ કરવામાં આવ્યા છે.
