– ઇડમાના ગુજરાત સ્ટેટ બોર્ડની 41મી વાર્ષિક સાધારણ સભા વિડીયો કોન્ફરન્સ દ્વારા મળી
અમદાવાદ : ઇન્ડિયન ડ્રગ મેન્યુફેકચરર્સ એસોસિએશનના ગુજરાત રાજય બોર્ડના આગામી બે વર્ષ 2020 અને 2021 માટે ચેરમેન તરીકે ટ્રોઇકા ફાર્માસ્યુટીકલ્સ લિમીટેડના મેનેજીંગ ડિરેકટર મિલન આર પટેલને ચૂંટાયા છે.
આ ઉપરાંત અન્ય હોદ્દેદારોને 2020 તેમજ 2021ની બે વર્ષની ટર્મ માટે સર્વાનુમતે ચૂંટવામાં આવ્યા છે.ઇડમાના ગુજરાત સ્ટેટ બોર્ડની 41મી વાર્ષિક સાધારણ સભા વિડીયો કોન્ફરન્સ દ્વારા મળી હતી,જેમાંવર્ષ 2020 અને 2021 માટે નવા ચેરમેન તરીકે મિલન આર પટેલ અને માનદ સેક્રેટરી તરીકે ઇશિતા ફાર્માસ્યુટિકલ્સ લિમીટેડના સુમિત જગદિશ અગ્રવાલને ચૂંટી કાઢવામાં આવ્યા હતા.
છેલ્લા 30થી વધુ વર્ષોથી ફાર્માસ્યુટિકલ ક્ષેત્રમાં ઉત્પાદન અને ગુણવત્તાનો અનુભવ ધરાવતાં મિલન આર પટેલ એ કેમિકલ એન્જિનીયર છે.જેઓ પ્રોસેસકંટ્રોલ અને ઓટોમેશન ક્ષેત્રે નિપુણતા ધરાવે છે.ટ્રોઇકા ફાર્માસ્યુટિકલ્સ લિમિટેડમાં વિવિધ ઓપરેશનલ અને મેનેજમેન્ટ સિસ્ટમ્સ સ્થાપવામાં તેઓનો મહત્વનો ફાળો રહ્યો છે અને ફાર્મા મેન્યુફેકચરીંગ ઓપરેશનમાં ગુડ મેન્યુફેકચરીંગ પ્રેકટિસ-(જીએમપી)માં તેમની કુશળતા અને પ્રોફેશનાલિઝમનો તેમણે સમન્વય કર્યો છે.
ઇડમાના ગુજરાત સ્ટેટ બોર્ડના ચેરેમેન તરીકે નવનિયુકિત અંગે મિલન આર પટેલે જણાવ્યું હતુ કે, “ ઇડમા-ગુજરાત બોર્ડના સભ્યો અને રાષ્ટ્રીય સ્તરે ઇડમા એમ બંને સંસ્થાનો મને આવડી મોટી જવાબદારી સોંપવા બદલ આભાર માનું છુ.દેશની ફાર્મા ઇન્ડસ્ટ્રીમાં આપણું ગુજરાત એક એવું રાજય છે કે જે ફાર્માસ્યુટિકલ આઉટપુટ એટલેકે ઉત્પાદન અને નિકાસમાં સિંહફાળો ધરાવે છે.તે સાથે મારી ભૂમિકા વધુ મહત્વની અને નિર્ણાયક પણ બની રહેશે.”
ઇડમા-ગુજરાતના ચેરમેન મિલન આર પટેલે જણાવ્યું કે,આગામી દિવસોમાં હેલ્થકેર પર સરકારી નાંણાના ખર્ચમાં વધારો થવાનો છે. તેની સાથે હાલમાં કોવિડ-19 કોરોના મહામારીને લઇને આવેલા પડકારો અને અનેક તકો રહેલી હોવાની બાબત પર ભાર મુકયો હતો.મિલન પટેલે જણાવ્યુ હતુ કે“ફાર્માસ્યુટિકલ ઉદ્યોગને વિરોધાભાસી પડકારોનો સામનો કરવો પડી રહ્યો છે,એકબાજુ કોરોનાને પગલે પડકારો ઉભા થયા, સાથે સાથે સરકાર દ્વારા હેલ્થકેર સેકટરમાં જીડીપીના વધુ ટકાનો ખર્ચો થવાને પગલે વિપુલ તકો રહેલી છે,સરકારના મંત્રીઓએ અગાઉ જણાવ્યું છે હેલથકેર ક્ષેત્રે વધુ નાંણા ફાળવાશે,જેને પગલે હેલ્થકેર ક્ષેત્રે જીડીપીના 1.5 થા 2 ટકાની ફાળવણી વધે તેમ છે.તેનો અર્થ એ છે તે ભવિષ્યમાં દવાની માંગ વધવાની છે.
