– પાંચ રાજ્યોમાં ચૂંટણીમાં પછડાટ ખાધા પછી 2023ની અન્ય રાજ્યોની વિધાનસભાની ચૂંટણી માટે કોંગ્રેસ કમર કસે છે
નવી દિલ્હી : થોડા સમય પૂર્વે દેશનાં પાંચ રાજ્યોની ચૂંટણીઓમાં મળેલા પછડાટ પછી ૨૦૨૩માં અન્ય રાજ્યોની વિધાનસભાઓની ચૂંટણી માટે લડી લેવા કોંગ્રેસે કમર કસી છે.આ વખતે, કોંગ્રેસની નજર અસદુદ્દીન ઔવેસીના ગઢ હૈદરાબાદ ઉપર છે. આ માટે કોંગ્રેસ ઘણા સમયથી પ્રયત્નો પણ કરી રહી છે.
આગામી ૪થી એપ્રિલે રાહુલ ગાંધી તેલંગાણા જવાના છે.રાહુલે બુધવારે જ તેલંગાણાના કોંગ્રેસના નેતાઓની બેઠક તેમનાં નિવાસ સ્થાને બોલાવી હતી.ઉ.પ્ર. વિધાનસભાની ચૂંટણીમાં કોંગ્રેસને મળેલી પછડાટ અંગે કોંગ્રેસનું કહેવું છે કે વાસ્તવમાં ઔવેસીની એ.આઈ.એસ.આઈ.એમ ભાજપની બી-ટીમ તરીકે જ ત્યાં કાર્યરત હતી.હવે, કોંગ્રેસની નજર ઔવેસીના ગઢ હૈદરાબાદ પર છે. ૪થી એપ્રિલે રાહુલ હૈદરાબાદ જવાના છે.ત્યારે તેલંગાણા પ્રદેશ કોંગ્રેસ સમિતિના પ્રમુખ રેવંત રેડ્ડી સાંસદ ઉત્તમ કુમાર રેડ્ડી સહિત અન્ય નેતાઓ હાજર રહેવાના છે.આ બેઠકમાં તેલંગાણાના કોંગ્રેસના પ્રભારી મણિકમ ટૈગોર ઉપસ્થિત રહેવા સંભવ છે.
નવા સભ્યોની યાદીમાં તેલંગાણા સૌથી આગળ છે.ત્યાં ૪૦ લાખ સભ્યો કોંગ્રેસમાં જોડાયા છે.કર્ણાટકમાં ૩૪ લાખ,મહારાષ્ટ્રમાં ૧૫ લાખ,ગુજરાતમાં ૧૦ લાખ, કેરલમાં પણ ૧૦ લાખ,છત્તીસગઢમાં પાંચ લાખ, બિહાર ૪ લાખ અને દિલ્હી તથા રાજસ્થાનમાં કોંગ્રેસના ત્રણ ત્રણ લાખ સભ્યો નોંધાયા છે.
