– ભાવનગર ગ્રામ્ય બેઠક પરના કોંગ્રેસના ઉમેદવારને હોસ્પિટલ ખસેડાયા
– રેવતસિંહ ગોહિલને હળવો હાર્ટએટેક આવતા સ્ટેન્ડ મુકવું પડ્યું
અમદાવાદ,તા.28 નવેમ્બર-2022, સોમવાર : ગુજરાત વિધાનસભાની ચૂંટણીમાં કોંગ્રેસ તરફથી ઉભા રહેલા ઉમેદવારના સ્વાસ્થને લઈને મોટા સમાચારો સામે આવ્યા છે.કોંગ્રેસના ઉમેદવારને હાર્ટ એટેક આવતા તેમને હોસ્પિટલમાં ખસેડવામાં આવ્યા છે.
પ્રથમ તબક્કાનું મતદાન પહેલી ડિસેમ્બરે યોજોવાનું છે.આ પ્રથમ તબક્કામાં ભાવનગર જિલ્લાનો પણ સમાવેશ કરાયો છે,ત્યારે અહીંની ભાવનગર ગ્રામ્ય બેઠક પરના કોંગ્રેસના ઉમેદવાર રેવતસિંહ ગોહિલને હળવો હાર્ટ એટેક આવ્યો છે.તેમને હાર્ટ એટેક આવતા જ તુરંત હોસ્પિટલ લઈ જવાના છે.કોંગ્રેસના ઉમેદવાર રેવતસિંહનું ઓપરેશન કરી સ્ટેન્ડ મૂકવું પડ્યું છે.આજે અચાનક જ તેમની તબિયત ખરાબ થતાં તેમને તુરંત હોસ્પિટલમાં લઈ જવાયા હતા,જ્યાં તેમનું ઓપરેશન કરી સ્ટેન્ટ મુકવું પડ્યું છે.
છેલ્લા 22 વર્ષથી રેવતસિંહ ગોહિલ કોંગ્રેસમાં
ઉલ્લેખનિય છે કે, ભાવનગર ગ્રામ્ય બેઠક પર ભાજપના ઉમેદવાર પરસોતમ સોલંકી સામે કોંગ્રેસ પક્ષે રેવતસિંહ ગોહિલને ચૂંટણી મેદાનમાં ઉતાર્યા છે.રાજપૂત સમાજના રેવતસિંહ ગોહિલ પ્રજાની સાથે સાથે સમાજમાં પણ આગવું નામ ધરાવે છે.સૌથી મહત્વની વાત એ છે કે,તેઓ છેલ્લા 22 વર્ષથી કોંગ્રેસની સાથે છે અને ગોહિલવાડ રાજપૂત સમાજના ઉપપ્રમુખની પણ જવાબદારી નિભાવી રહ્યાં છે.
