નવી દિલ્હી,તા.15.ઓગસ્ટ,2022 સોમવાર : આમીર ખાનની બહુ ગાજેલી ફિલ્મ લાલ સિંહ ચઢ્ઢા પણ હવે સુપરફલોપ થવાના રસ્તા પર નિશ્ચિત પણે આગળ વધી રહી છે.રવિવારની રજાના દિવસે પણ આ ફિલ્મ દર્શકોને થીયેટરોમાં લાવી શકી નહોતી.રવિવારે પણ ફિલ્મનુ કલેક્શન 10.50 કરોડ રુપિયા રહ્યુ હતુ.આમ આ ફિલ્મ ચાર દિવસમાં માત્ર 38 કરોડ રુપિયા કમાઈ શકી છે અને છેલ્લા 10 વર્ષમાં આમીર ખાનની કોઈ પણ ફિલ્મનુ આ સૌથી ન બળુ વીકએન્ડ કલેક્શન છે.શનિવારના મુકાબલે રવિવારની બોક્સ ઓફિસ કમાણીમાં 20 ટકાનો વધારો ચોક્કસ થયો છે પણ આમીર ખાન જેવા સ્ટારની ફિલ્મ છે તે જોતા આ વધારો નગણ્ય કહી શકાય.ફિલ્મને દર્શકો નહીં મળી રહ્યા હોવાથી 1300 જેટલા શો તો પહેલેથી જ કેન્સલ કરી દેવાયા છે.છેલ્લા દસ વર્ષમાં આમીર ખાનની અન્ય ફિલ્મોની વીકએન્ડના અંતે કલેક્શન આ પ્રમાણે રહ્યુ હતુ.
– તલાશ 45.66 કરોડ
– ધૂમ 3 97.25 કરોડ
– પીકે 93.28 કરોડ
– દંગલ 104.54 કરોડ
– ઠગ્સ ઓફ હિન્દોસ્તાન 98.45 કરોડ
આમીરની ફિલ્મ 180 કરોડના બજેટમાં બની છે.15 ઓગસ્ટની રજા બાદ વર્કિંગ ડેઝમાં ફિલ્મની કમાણી હજી પણ ઘટશે અને સરવાળે આ ફિલ્મ 75 કરોડની આસપાસ કમાશે તેવુ અનુમાન થઈ રહ્યુ છે.
