કચ્છના મુન્દ્રામાં લગ્ન પ્રંસગમાં થયેલી દારૂ પાર્ટીનો વીડિયો સોશિયલ મીડિયામાં વાયરલ થતા ગુજરાતન રાજકારણમાં ગરમાવો આવ્યો છે. ફરીથી ગાંધીના ગુજરાતમાં દારુનો મુદ્દો ઉઠયો છે. એક તરફ સરકાર રાજ્યમાં કડક દારૂબંધીનો કાયદો હોવાની વાત કરે છે અને બીજી તરફ વિપક્ષ શાસકો પર હપ્તા લેવાના આક્ષેપો કરી રહી છે.
કોંગ્રેસ પ્રદેશ પ્રમુખ અમિત ચાવડાએ નિવેદન આપતા જણાવ્યું હતું કે, ભારતીય જનતા પાર્ટીના શાસકો ક્યાંકને ક્યાંક મોટા હપ્તા લેવાના કારણે દારુબંધી કરી શકતા નથી. કાતો એમની ઈચ્છા શક્તિ નથી કે ગુજરાતમાં શાંતિ અને સલામતી જળવાય, બાપુના ગુજરાત તરીકે આખા વિશ્વમાં પ્રખ્યાત છે અને એ આપણી ઓળખ કાયમ નહીં રહે. કયાંકને ક્યાંક વિજયભાઈ વાતો તો મોટી કરે કે, અમારી સરકાર કડક હાથે પગલા લે છે અને પ્રદીપસિંહ ગર્જનાઓતો કરે પણ કદાચ હપ્તાના ભારથી તેમની ગર્જનાઓ અને વાતો દબાઈ જતી હોય છે.
મુખ્યમંત્રી વિજય રૂપાણીએ જણાવ્યું હતું કે, મેં વિધાનસભાના ફ્લોર પર પણ કહ્યું છે કે, દારુબંધી અંગે સરકાર મક્કમ છે. આ એક સામાજિક દુષણ છે, વ્યશન મુક્તિના વ્યાપક પ્રમાણમાં પ્રયત્નો થવા જોઈએ. સરકારની કડક સુચના છે કે, જ્યાં પણ દારૂ ગળાતો હોય, ઉતરતો હોય તેની સામે કડક કાયદો બનાવીને આપણે વિષયને કડક રીતે લઇએ. ગુજરાત દારુબંધી વાળું ગુજરાત છે એટલે કચ્છ અને વાપીના બનાવમાં પણ સરકારે કડક સુચના આપી છે અને જવાબદારો સામે પગલાં ભરવામાં આવશે.
