સુરત : તા. 7 જુન 2022,મંગળવાર : મોટા વરાછાના પનવેલ પોઇન્ટમાં ફીલીંગ સ્પાની આડમાં ચાલતા કૂટણખાના પર દરોડા પાડી પોલીસે સ્પા મેનેજર અને શરીરસુખ માણવા આવનાર ચાર ગ્રાહકને ઝડપી પાડયા હતા.જયારે સ્પા માલિક મહિલાને વોન્ટેડ જાહેર કરી છે.
અમરોલી પોલીસે બાતમીના આધારે મોટા વરાછાના પનવેલ પોઇન્ટમાં દુકાન નં.116 માં ફીલીંગ સ્પાની આડમાં ધમધમતા કૂટણખાના પર દરોડા પાડયા હતા.જયાંથી સ્પા મેનેજર સપનાકુમારી પ્રવિણસીંગ રાજપૂત(ઉ.વ.30 રહે.શાંતિનિકેતન સોસાયટી,નવાગામ-ડીંડોલી)ઉપરાંત શરીરસુખ માણવા આવનાર રત્નકલાકાર પ્રવિણકુમાર અશોક ઠાકુર(ઉ.વ.32),પરીક્ષીત ઘનશ્યામ રાદડીયા(ઉ.વ.22),રાહુલ જગદીશ પટેલ(ઉ.વ.20)અને સુરેશ ધીરજલાલ દવે(ઉ.વ.32)તથા એક લલનાને ઝડપી પાડી હતી.પોલીસે સ્પામાંથી રોકડા રૂ.5250,મોબાઇલ નંગ 6 મળી કુલ રૂ.22,750 નો મુદ્દામમાલ કબ્જે લીધો હતો.ઉલ્લેખનીય છે કે મેનેજર સપનાકુમારીની પૂછપરછ કરતા શ્વેતા નામની મહિલા માલિક હોવાની કબૂલાત કરી હતી.પોલીસે શ્વેતાને વોન્ટેડ જાહેર કરી વધુ તપાસ હાથ ધરી છે.
