નવી દિલ્હી,તા.19 સપ્ટેમ્બર 2022,સોમવાર : ગુજરાતની જેમ રાજસ્થાનમાં પણ લમ્પી રોગના કારણે હજારો ગાયોના મોત થઈ રહ્યા છે.જોકે રાજ્યમાં ભાજપ વિરોધ પક્ષમાં છે અને એટલે જ લમ્પી સામે સરકારનુ ધ્યાન ખેંચવા માટે ભાજપના એક ધારાસભ્ય ગાય લઈને વિધાનસભા સંકુલમાં પહોંચી ગયા હતા.જોકે ભારે બૂમરાણની વચ્ચે ગાય ત્યાંથી ભાગી હતી અને ધારાસભ્યના સાથીદારોએ ગાયને પકડવા માટે દોડધામ કરી હતી.
ધારાસભ્યે કહ્યુ હતુ કે, આખા રાજસ્થાનમાં ગૌવંશ લમ્પીની ચપેટમાં આવી ગયો છે પણ સરકાર સુઈ રહી છે.ધારાસભ્યે કહ્યુ હતુ કે, હું સરકારનુ ધ્યાન ખેંચવા માટે ગાયને વિધાનસભા સુધી લઈ આવ્યો હતો.ગાયના ભાગી જવા પર તેમણે કહ્યુ હતુ કે, ગૌમાતા પણ સરકારથી રિસાયેલી છે તે દેખાઈ રહ્યુ છે. સરકાર બીમાર ગાયોની દેખરેખ માટે દવાઓ અને રસીની વ્યવસ્થા કરે.દરમિયાન રાષ્ટ્રીય લોકતાંત્રિક પાર્ટીના ત્રણ ધારાસભ્યો આ મુદ્દે ગૃહમાં ધરણા પર પણ બેઠા હતા.
