વઘઇ સાપુતારા રાજ્યધોરીમાર્ગ ઉપર ટ્રકે મોટરસાયકલ ને અડફેટે લેતા યુવાનનું ઘટના સ્થળે મોત

સાપુતારા : વઘઇ સાપુતારા રાજ્યધોરીમાર્ગ ઉપર ગીરાધોધ ફાટક પાસે પૂરપાટ વેગે જતી ટ્રકે મોટરસાયકલ ને અડફેટે લેતા યુવાનનું ઘટના સ્થળે મોત નીપજતા અરેરાટી ફેલાઈ જવા પામી છૅ.પોલીસ મથકે થી મળતી માહિતી મુજબ વઘઇ સાપુતારા માર્ગ ઉપર ધર્મેશભાઈ મયલુભાઈ ભોંયે વઘઇથી પોતાની મોટરસાયકલ નં gj 21બબ 2621ઘરે રંભાસ જઈ રહ્યો હતો તે દરમિયાન ગીરાધોધ ફાટક પાસે માતેલા સાંઢ ની જેમ રોન્ગ સાઇડે ધસી આવેલ ટ્રક નં GJ 05 BV 8390 ના ચાલકે મોટર

સાયકલને અડફેટે લઈ ગંભીર ઇજા પહોંચાડતા મોટરસાયકલ સવાર ધર્મેશભાઈ ભોંયે ઉં.27 નું ઘટના સ્થળે જ પ્રાણપંખેરુ ઉડી જતા અરેરાટી ફેલાઈ જવા પામી હતી.બનાવ સંધર્ભે મૃતક યુવાન ના પિતા મયલુભાઈ ભોંયે એ વઘઇ પોલીસ માં ફરિયાદ નોંધાવતા પોલીસે અકસ્માત ગુનો નોંધી ટ્રક ચાલક સામે કાયદેસર ની કાર્યવાહી હાથ ધરી હતી