ઈસ્લામાબાદ : પાકિસ્તાનના પદભ્રષ્ટ વડાપ્રધાન ઈમરાન ખાને રોકડની ભારે અછત અનુભવી રહેલા પાકિસ્તાનમાં જો વહેલી ચૂંટણી નહીં યોજાય તો આર્થિક તથા રાજકીય સંકટ વધુ ઘેરું બની શકે છે. ઈમરાનના સમર્થકોએ પાકિસ્તાનના મુખ્ય શહેરોમાં સતત વધી રહેલી મોંઘવારી વિરુદ્ધ દેખાવો યોજ્યા હતા.
પૂર્વ વડાપ્રધાન શાહબાઝ શરીફના નેતૃત્વ હેઠળની સરકારે એપ્રિલમાં સત્તામાં આવ્યા બાદ ત્રીજી વખત પેટ્રોલિયમ ઉત્પાદનોના ભાવમાં વધારો કર્યો હોવાના મુદ્દે ગત સપ્તાહે વિરોધ પ્રદર્શન કરવા આહ્વાન કરાયું હતું.રવિવારે વીડિયો કોન્ફરન્સ દ્વારા દેખાવકારોને સંબોધિત કરતા ઈમરાન ખાને જણાવ્યું કે જો વહેલી ચૂંટણી નહીં યોજવામાં આવે તો દેશની આર્થિક અને રાજકીય સ્થિતિ વધુ કથળશે.
પૂર્વ વડાપ્રધાને જણાવ્યું કે,હું લોંગ માર્ચ માટે આહ્વાન કરીશ…જો નિષ્પક્ષ અને પારદર્શી રીતે ચૂંટણી નહીં યોજાય તો અરાજકતા વધુ ફેલાઈ શકે છે.ઈમરાને પેટ્રોલિયમ ઉત્પાદનો પર સબસિડી પરત લઈ લેવા બાબતે સરકારની આલોચના કરી હતી અને જણાવ્યું કે તેમના નેતૃત્વ હેઠળની પાકિસ્તાન તહરિક-એ-ઈન્સાફની ગત સરકારે કિંમતો વધારવાના આઈએમએફની માંગનો વિરોધ કર્યો હતો.ઈમરાને વધુમાં ઉમેર્યું કે,આ સરકાર બે મહિના માટે આઈએમએફના કાર્યક્રમનો હિસ્સો છે.મારી સરકારે ઈંધણની કિંમતો વધારવાની આઈએમએફની શરતો વિરુદ્ધ પેટ્રોલના ભાવમાં ઘટાડો કર્યો હતો.
તેમણે વર્તમાન સરકાર અર્થવ્યવસ્થાને સંભાળવા અસમર્થ હોવાનો આક્ષપ કર્યો હતો તેમજ ચેતવણી ઉચ્ચારી હતી કે જો દેશ ચૂપચાપ બેસશે તો આગામી દિવસોમાં કિંમતોમાં વધુ ભડકો થશે.સોમવારે પાકિસ્તાનની રૂપિયાનું મૂલ્ય અમેરિકન ડોલરની તુલનાએ ઘટીને 211 રૂપિયાના રેકોર્ડ નીચા સ્તરે રહ્યું હતું.પાકિસ્તાનના વિદેશી ભંડોળમાં પણ નોંધપાત્ર ઘટાડો જોવા મળ્યો છે અને તે 9 અબજ ડોલરથી પણ ઓછું છે.પાકિસ્તાન પાસે ફક્ત છ અઠવાડિયાનું આયાત કવર બચ્યું છે.
