કૃષિ કાયદાના વિરોધમાં રસ્તાઓ પર ઉતરી આવેલા ખેડૂતોએ આજે ભારત બંધનું એલાન આપ્યું છે.ખેડૂત સંગઠનોએ આજે સવારે 11 વાગ્યાથી બપોરે 3 વાગ્યા સુધી ચક્કાજામ કરવાનું આહવાન કયું છે.ખેડૂતોના સમર્થનમાં અનેક રાજકીય પક્ષો પણ ઉતરી આવ્યા છે.તો બીજી તરફ,સત્તાધારી ભારતીય જનતા પાર્ટીએ વિપક્ષ પર ખેડૂતોને ભડકાવવાનો આરોપ લગાવ્યો છે.આ બધાથી વિપરીત સોશિયલ મીડિયા પર પણ અલગ જ જંગ ચાલી રહ્યો છે.જ્યાં કેટલાંક લોકો ભારત બાંહને સમર્થન આપી રહ્યા છે તો કેટલાંક યુઝર્સ ભારત બંધના વિરોધમાં ટ્વીટ કરી રહ્યા છે.
ભારત બંધનું સમર્થન કરનારા રાજકીય પક્ષો,સંગઠનોના સમર્થકો તરફથી આજે ટ્વીટર પર #आज_भारत_बंद_है ટ્રેન્ડ કરવામાં આવી રહ્યું છે,તો ભારત બંધનો વિરોધ કરનારા #BharatBandhNahiHoga સાથે પોતાના મંતવ્યો રજુ કરી રહ્યા છે.તમામના પોતાના અલગ અલગ તર્ક છે અને અન્ય પક્ષ પર નિશાન સાધવામાં આવી રહ્યા છે.
શું કહી રહ્યા છે ભારત બંધના સમર્થકો
ખેડૂતો દ્વારા પાળવામાં આવી રહેલા ભારત બંધનો અનેક રાજકીય પક્ષો સમર્થન કરી રહ્યા છે,એવામાં રાજકીય પાર્ટીઓના સમર્થકો પોતપોતાના વિસ્તારોમાં સતત ભારત બંધને લઈને તસ્વીરો શેર કરી રહ્યા છે.
બંધના વિરોધમાં ટ્રેન્ડ થયું #BharatBandhNahiHoga
ભારતીય જનતા પારી અને તેની સાથે સંકળાયેલા સંગઠનોના સમર્થકો મોટી સંખ્યામાં ખેડૂતો દ્વારા આપવામાં આવેલા ભારત બંધનો વિરોધ કરી રહ્યા છે.સોશિયલ મીડિયા પર બંધનું સમર્થન કરતા લોકોને #BharatBandhNahiHoga અલગ રીતે જવાબ આપવામાં આવી રહ્યો છે.
