એટલાન્ટા : અમેરિકામાં મેમોરિયલ વીકેન્ડની વ્યસ્તતાના લીધે સમગ્ર વિશ્વમાં ફ્લાઇટ કેન્સલેશન્સમાં નોંધપાત્ર વધારોથયો છે.રવિવારે બપોરના અઢી વાગ્યા સુધીમાં ૧,૨૬૦ ફ્લાઇટથી વધુ રદ થઈ ચૂકી છે, એમ ફ્લાઇટ ટેકિંગ વેબસાઇટ ફ્લાઇટવેરે જણાવ્યું હતું.તેના પછી શુક્રવારે ૨,૩૦૦થી વધારે કેન્સલેશન્સ જોવા મળ્યા છે અને બીજા ૧,૫૦૦ શનિવારે જોવા મળ્યા છે.આમ શુક્ર,શનિ અને રવિ એમ ત્રણ દિવસમાં પાંચ હજારથી વધારે ફ્લાઇટ રદ થઈ હતી.એકલા રવિવારે જ ૩૫૦થી વધારે કેન્સલેશન્સ જોવા મળ્યા હતા.આ ફ્લાઇટ્સ ક્યાં તો અમેરિકા આવતી હતી કે અમેરિકાના શહેરોની હતી.અમેરિકન એરલાઇન્સમાં ડેલ્ટા એરલાઇન્સે સૌથી વધુ ૨૫૦થી વધુ ફ્લાઇટ્સ રદ કરી છે જે તેની કુલ કામગીરીના ૯ ટકાથાય છે.રવિવારે બપોર સુધીમાં ડેલ્ટાની ૧૫૦થી વધુ ફ્લાઇટ્સ રદ થઈ હતી,એમ ફ્લાઇટવેરે જણાવ્યું હતું.શનિવારે ફ્લાઇટ્સ રદ થવાનું કારણ ખરાબ હવામાન અને એર ટ્રાફિક કંટ્રોલ એકશન્સ હતુ.એટલાન્ટા સ્થિત ડેલ્ટાએ જણાવ્યું હતું કે તે મેમોરિયલ ડે વીકેન્ડ આગળ વધતો હતો તેમ કમસેકમ ૨૪ કલાક એડવાન્સમાં ફ્લાઇટ રદ કરવા પ્રયત્નશીલ હતી.
ડેલ્ટાએ તેની વેબસાઇટ પર ગુરુવારે જાહેરાત કરી હતી કે તે પહેલી જુલાઈથી સાત ઓગસ્ટના રોજ અમેરિકા અને લેટિન અમેરિકામાં અમુક હિસ્સામાં તેની દૈનિક ફ્લાઇટ્સમાં ૧૦૦નો ઘટાડો કરશે.ડેલ્ટાના ચીફ ંકસ્ટમર એક્સપીરિયન્સ ઓફિસર એલિસન ઓસબન્ડે જણાવ્યું હતું કે અમારા ઉડ્ડયન ઇતિહાસમાં પહેલી વખત વિવિધ કારણોને લઈને આટલી ફ્લાઇટ્સ રદ કરવાની ફરજ પડી છે.ફ્લાઇટ્સ રદ કરવા માટેના પરિબળોમાં જોઈએ તો હવામાન અને એર ટ્રાફિક કંટ્રોલ,વેન્ડર સ્ટાફિંગ,કોવિડ કેસના વધેલા દરની સાથે કેટલાક વર્ક ગુ્રપની મોટાપાયા પર બિનઆયોજિત ગેરહાજરીનો સમાવેશ થાય છે.તેના પરિણામે ડેલ્ટાની કામગીરી ઉદ્યોગમાં તેણે પ્રસ્થાપિત કરેલા ધોરણો મુજબની રહી નથી.એરલાઇન્સ અને પ્રવાસન્ સ્થળોને આશા હતી કે કોવિડ-૧૯ના પ્રતિબંધ હટવાના લીધે જંગી જનમેદની ઉમટશે.આ ઉપરાંત આગાહી કરનારાઓનું માનવું હતું કે પ્રવાસ ખેડનારાઓની સંખ્યા રોગચાળાના અગાઉના સ્તરને વટાવી જશે.તેની સામે એરલાઇન્સ પાસે ૨૦૧૯માં હતા તેના કરતાં ઘણા ઓછા કર્મચારીઓ છે.તેના લીધે મોટાપાયા પર ફ્લાઇટ્સ રદ થઈ રહી છે.આ ઉનાળામાં સ્થાનિક એરલાઇન્સનું ભાડું રાઉન્ડ ટ્રિપના ૪૦૦ ડોલર છે.આ દર ૨૦૧૯ના દર કરતાં ૨૪ ટકા વધારે છે.જ્યારે વર્ષ અગાઉના સમાન સમયગાળાની તુલનાએ ૪૫ ટકા વધારે છે.
