– સિટી બેન્ક ભારતમાં 1902થી મોજૂદ છે અને 1985થી કન્ઝ્યુમર બેન્કિંગ બિઝનેસમાં કામકાજ કરી રહી છે.ભારતમાં સિટી બેન્કની 35 શાખા છે અને કન્ઝ્યુમર બેન્કિંગ બિઝનેસમાં આશરે 4000 કર્મચારીઓ કામ કરી રહ્યા છે.સોદો પૂરો થયા બાદ આ તમામ સ્ટાફ એક્સિસ બેન્કનો હિસ્સો બની જશે…
અમદાવાદ : સિટી બેન્કનો ભારતીય બિઝનેસ ખરીદવા માટે એક્સિસ બેન્કે 12325 કરોડ રૂપિયાની રકમ ચૂકવવી પડશે.જાન્યુઆરી-માર્ચ ત્રિમાસિક ગાળામાં સિટી બેન્કને એક્સિસ બેન્ક આ રકમની ચૂકવણી કરી શકે છે.ચાલુ નાણાકીય વર્ષના અંત પહેલાં એક્સિસ બેન્ક સિટી બેન્કના રિટેલ બિઝનેસને ખરીદીને આ ડીલને અંતિમ રુપ આપવાની તૈયારીમાં છે.
આ બદલાવ બાદ હવે સિટી બેન્કના ગ્રાહક એક્સિસ બેન્કના ગ્રાહક બની ચૂક્યા છે.સિટી બેન્ક ભારતમાં 1902થી મોજૂદ છે અને 1985થી કન્ઝ્યુમર બેન્કિંગ બિઝનેસમાં કામકાજ કરી રહી છે.ભારતમાં સિટી બેન્કની 35 શાખા છે અને કન્ઝ્યુમર બેન્કિંગ બિઝનેસમાં આશરે 4000 કર્મચારીઓ કામ કરી રહ્યા છે.સોદો પૂરો થયા બાદ આ તમામ સ્ટાફ એક્સિસ બેન્કનો હિસ્સો બની જશે.આ વર્ષે માર્ચમાં સિટી બેન્કે પોતાના ભારતીય રિટેલ બિઝનેસને વેચવાની યોજના બનાવી હતી.ક્રેડિટ કાર્ડના મામલામાં સિટી બેન્ક માર્કેટશેર ગુમાવી રહી છે પણ એક્સિસ બેન્કનું કહેવું છે કે સ્ટાફના જોબ છોડવા અને કારોબારમાં મોજૂદ ગ્રાહકોને કારણે આ સ્થિતિ જોવા મળી રહી છે.જૂલાઈના છેલ્લા સપ્તાહમાં ભારતીય સ્પર્ધા પંચે એક્સિસ બેન્કના સિટી રિટેલ બિઝનેસ ખરીદવાના નિર્ણય પર મંજૂરીની મહોર લગાવી હતી.આ રીતે એક્સિસ બેન્ક દ્વારા સિટી બેન્કના રિટેલ બિઝનેસ ખરીદવાનો માર્ગ મોકળો થઈ ગયો હતો.
સિટી બેન્કે આ સોદામાં પોતાના ક્રેડિટ કાર્ડ અને સુરક્ષિત-અસુરક્ષિત લોન, વેલ્થ મેનેજમેન્ટ, પ્રાયવેટ બેન્ક અને રિટેલ ડિપોઝિટ બિઝનેસ વેચવા જઈ રહી છે.આ ડીલમાં સિટી કોર્પ ફાઈનાન્સ લિમિટેડનું વેચાણ પણ સામેલ છે.એક્સિસ બેન્કને સિટી બેન્કના 12 લાખ રિટેલ કસ્ટમર મળશે જેમાં, 40,000 વેલ્થ અને પ્રાયવેટ બેન્કિંગ ગ્રાહક છે.તેનાથી એક્સિસ બેન્કને અર્બન રિટેલ માર્કેટમાં હિસ્સેદારી વધારવામાં ઘણી મદદ મળશે.સિટી બેન્કની કાર્ડ બેલેન્સશીટમાં 57 ટકાના વાર્ષિક દરથી વૃદ્ધિ થઈ રહી છે જેમાં વધારાના 25 લાખ સિટી બેન્ક કાર્ડ મોજૂદ છે.સિટી બેન્કનો કાર્ડ બિઝનેસ દેશમાં મુખ્ય ત્રણ કંપનીઓના કારોબારમાં સામેલ છે.
