– દારૂના કેસમાં રૂ.65,000/-ની લાંચ લેતા રંગેહાથ ઝડપાયો
– એસીબીની ટીમે છટકું ગોઠવી રંગેહાથ ઝડપી પાડવામાં આવ્યો
છેલ્લા કેટલાક સમયથી રાજ્યમાં લાંચિયા અધિકારીઓ લાંચ લેતા એસીબીના હાથે રંગેહાથ ઝડપી પાડવામાં આવ્યા છે.જેને ધ્યાને રાખી એસીબીની ટીમ આવા લાંચિયા અધિકારીઓ પર બાજ નજર રાખીને બેસી છે.
જે દરમિયાન અમદાવાદ ઘાટોડિયા પોલીસ સ્ટેશનનો હેડ
કોન્સ્ટેબલ દારૂના કેસમાં રૂ.65000/-ની લાંચ લેતા રંગેહાથ ઝડપાયો છે.
પોલીસમાં નોંધાયેલી ફરિયાદ અનુસાર, આ કામના ફરિયાદીના દારૂના કેસમાં બે એક્ટિવા જમા નહિ કરવા અને તેના ભાઈ સહિત અન્ય એક માણસ સાથે ફરિયાદીનું નામ ન આવવા દેવા માટે અમદાવાદના પોલીસ કોન્સ્ટેબલે લાંચ માંગ હતી. અમદાવાદ ઘાટોડિયા પોલીસ સ્ટેશનના હેડ કોન્સ્ટેબલ તરીકે ફરજ બજાવતા જયદીપસિંહ ધીરૂભાઈ દ્વારા ફરિયાદી પાસે રૂ.65,000/-ની માંગણી કરવામાં આવી હતી.જો કે, ફરિયાદી પોલીસ કોન્સ્ટેબલ લાંચની રકમ આપવા ન ઈચ્છતો હોવાથી તેના દ્વારા એસીબીનો સંપર્ક કરવામાં આવ્યો હતો.
ફરિયાદી દ્વારા એસીબીનો સંપર્ક કરી તમામ વિગતો જણાવી પોલીસ હેડ કોન્સ્ટેબલ જયદીપસિંહ ધીરૂભાઈ વિરુદ્વ ફરિયાદ નોંધાવવામાં આવી હતી.જે બાદ એસીબીની ટીમ દ્વારા ફરિયાદને આધારે છટકાનું આયોજન કરવામાં આવ્યું હતું.આરોપીને રંગેહાથ લાચં લેતા ઝડપી પાડવા માટે ફરિયાદી દ્વારા આરોપીને ફોન કરીને લાંચ સ્વીકારવા માટે અમદાવાદના એસ.જી.હાઈવે નજીક આવેલા રિલાયન્સ મોલની આગળ જાહેર રોડ પર મળવાનું નક્કી કરવામાં આવ્યું હતું.જે બાદ એલસીબીની ટીમ અગાઉથી જ સ્થળ પર પહોંચી વોચમાં ગોઠાવાઈ ગયા હતા.
થોડા સમય બાદ ફોનમાં નક્કી કરાયેલી જગ્યા પર ફરિયાદી સહિત આરોપી પણ પહોંચી ગયા હતા.જે બાદ લાંચની રકમ અંગે બંન્ને વચ્ચે હેતુલક્ષી વાતચીત થયા બાદ હેડ કોન્સ્ટેબલ દ્વારા લાંચની રકમ રૂ.65,000/- સ્વીકારવામાં આવી હતી.આરોપી કોન્સ્ટેબલે લાંચ સ્વીકારતાની સાથે જ એસીબીની ટીમ સ્થળ પર ત્રાટકી ગઈ હતી.જે બાદ એસીબીની ટીમ દ્વારા કોન્સ્ટેબલને રૂ.65,000/-ની લાંચ લેતા રંગેહાથ ઝડપી પાડ્યો હતો.જે બાદ તેની પૂછપરછ કરી એસીબીની ટીમ દ્વારા લાંચની રકમ રીકવર કર્યા બાદ કાયદેસરની કાર્યવાહી હાથ ધરવામાં આવી હતી.
