આયોજકોએ પોતાનો પક્ષ રજૂ કરતાં જણાવ્યું હતું કે ગરબા રમી રહેલા અન્ય ધર્મના વ્યક્તિઓ કોઈ બહારના કે અજાણ્યા તત્વો નથી,પરંતુ તેઓ કોલેજ અને કેમ્પસના નિયમિત સ્ટાફનો ભાગ છે.આયોજકોના આ નિવેદનથી વિવાદમાં નવો વળાંક આવ્યો છે.તેમના જણાવ્યા અનુસાર, આ વ્યક્તિઓ કેમ્પસ સાથે જોડાયેલા હોવાથી ગરબા કાર્યક્રમમાં હાજર હતા.નવરાત્રિ દરમિયાન ગરબા માત્ર ધાર્મિક ઉત્સવ જ નહીં, પરંતુ ગુજરાતની સાંસ્કૃતિક ઓળખનો પણ મહત્ત્વનો ભાગ છે.તેથી ગરબા કાર્યક્રમોમાં પ્રવેશ,સુરક્ષા વ્યવસ્થા અને આયોજકોની જવાબદારી જેવા મુદ્દાઓને લઈને અનેક સ્થળોએ ચર્ચા થતી રહે છે.કિરણ મેડિકલ કોલેજના કેમ્પસમાં બનેલી આ ઘટનાએ પણ ધાર્મિક લાગણીઓ અને કાર્યક્રમના આયોજનને લગતા પ્રશ્નો ફરી ચર્ચામાં લાવ્યા છે.
સોશિયલ મીડિયા પર વીડિયો વાયરલ થયા બાદ આ ઘટનાને લઈને વિવિધ પ્રતિક્રિયાઓ સામે આવી રહી છે.હિન્દુ સંગઠનો દ્વારા ગરબા કાર્યક્રમમાં હાજરી આપતા લોકોની ઓળખ અંગે સવાલો ઉઠાવવામાં આવ્યા છે, જ્યારે આયોજકોએ હાજર વ્યક્તિઓ કેમ્પસના સ્ટાફનો ભાગ હોવાની વાત કરી છે.આ ઘટનામાં મુખ્ય વિવાદ ગરબા કાર્યક્રમમાં અન્ય ધર્મના વ્યક્તિઓની હાજરી અને તેમના પ્રવેશને લઈને છે.હવે આ મુદ્દે સ્થાનિક સ્તરે કેવો પ્રતિસાદ મળે છે અને આયોજકો તથા હિન્દુ સંગઠનો વચ્ચેનો વિવાદ કઈ દિશામાં આગળ વધે છે તેના પર સૌની નજર છે.
