– નવો દર ૨૨ એપ્રિલ ૨૦૨૦થી લાગુ થશે, નવો દર હવે ૮.૦૫ ટકાથી લઇને ૮.૮૫ ટકા વચ્ચે રહેશે
મુંબઇ, તા.૨૨: HDFCએ લિમિટેડે પોતાના હોમ લોન ગ્રાહકોને મોટી ભેટ આપી છે.HDFCએ હોમ લોનના વ્યાજ દરમાં ૦.૧૫ ટકાનો ઘટાડો કર્યો છે.નવો દર ૨૨ એપ્રિલ ૨૦૨૦થી લાગુ થશે.નવા દરે હવે ૮.૦૫ ટકાથી લઇને ૮.૮૫ ટકા વચ્ચે રહેશે.હકીકતમાં તેની પહેલાં દેશની સૌથી મોટી સરકારી બેન્ક ભારતીય સ્ટેટ બેન્ક સહિત અનેક બેન્કોએ વ્યાજ દરોમાં ઘટાડાનું એલાન કર્યુ હતું.હવે HDFCએ પોતાની હાઉસિંગ લોન પર રિટેલ પ્રાઇમ લેંડિગ રેટ (RPLR)માં ૦.૧૫ ટકાનો ઘટાડો કર્યો છે.જણાવી દઇએ કે ગત મહિને ૨૭ માર્ચે કોરોના સંકટને ધ્યાનમાં લેતા આરબીઆઇએ રેપો રેટમાં ૦.૭૫ ટકાનો ઘટાડો કર્યો હતો.આ વચ્ચે ગત અઠવાડિયે આર્થિક સંકટ વચ્ચે HDFC બેન્કે પોતાના ચોથા કવાર્ટરના રિપોર્ટમાં સૌકોઇને ચોંકાવી દીધા છે.
HDFC બેન્કના ચોથા કવાર્ટરમાં નફો વાર્ષિક આધાર ૧૭.૨૨ ટકા વધીને ૬,૯૨૭.૬૯ કરોડ રૂપિયા રહ્યો.ચોથા કવાર્ટરમાં બેન્કનું વ્યાજ વાર્ષિક આધારે ૧૬.૫ ટકા વધીને ૧૫૨૦૪.૦૬ કરોડ રૂપિયા રહ્યું.વર્તમાન સમયમાં HDFC બેન્કની માર્કેટ કેપ ૪.૯૮ અબજ રૂપિયા છે.હકીકતમાં કોરોના વાયરસ સંકટમાં ચોથૈ કવાર્ટરના રિપોર્ટ પર અસરનું અનુમાન લગાવવામાં આવી રહ્યું હતુ પરંતુ બેન્કના કારોબારમાં શાનદાર વધારો જોવા મળી રહ્યો છે.ચોથા કવાર્ટરમાં બેન્કની ડિપોઝીટ વાર્ષિક આધારે ૨૪.૨ ટકા અને કવાર્ટરના આધારે ૭.૪ ટકાના વધારા સાથે ૧૧,૪૬,૫૦૦ કરોડ રૂપિયા રહ્યો.HDFC બેન્કે રેગ્યુલેટરી ફાઇલિંગમાં જણાવ્યું કે ૩૧ માર્ચે પૂરા થયેલા કવાર્ટરમાં તેની કુલ કંસોલિડેટેડ આવક ૩૮,૨૮૭.૧૭ કરોડ રૂપિયા રહી.તેની પહેલા નાણાકીય વર્ષ ૨૦૧૮-૧૯ના માર્ચ કવાર્ટરમાં બેન્કની આવક ૩૩,૨૬૦.૪૮ કરોડ રૂપિયા રહી હતી.
