શેરબજારમાં ભયાનક કડાકા વચ્ચે પણ
નવી દિલ્હી, તા.૧૭:એક તરફ કોરોનાને કારણે શેરબજારમાં અફરાતફરીનો માહોલ છે,ત્યારે Yes Bankના શેરમાં આગઝરતી તેજી જોવા મળી રહી છે. હજુ તો દસેક દિવસ પહેલા ૫.૬૫ રુપિયાની ઐતિહાસિક નીચલી સપાટીએ સ્પર્શ્યા બાદ આ શેર આજે ૬૩ રુપિયાની સર્વોચ્ચ સપાટીએ પહોંચ્યો હતો. મૂડીઝે Yes Bankનું ગ્રેડિંગ સુધાર્યા બાદ આજે એક જ દિવસમાં તેમાં ૭૩ ટકાની તેજી જોવાઈ હતી.છેલ્લા દસ દિવસની વાત કરીએ તો, ૫.૬૫ રુપિયાના ભાવે પહોંચેલા આ શેરમાં ૧૦૦૦ ટકાથી પણ વધુની તેજી જોવાઈ ચૂકી છે.આજે ૧૦.૫૭ કલાકે આ શેર ૭૩ ટકાના ઉછાળા સાથે ૬૪.૧૫ રુપિયા પર ટ્રેડ થઈ રહ્યો હતો.મંગળવારે ત્રણ ટ્રેડિંગ કનિદૈ સેશન્સમાં તેમાં ૧૫૧ ટકાની વૃદ્ઘિ જોવા મળી હતી.મૂડીઝે જણાવ્યું છે કે, Yes Bankનું લાંબા સમયગાળાનું રેટિંગ CAA3થી સુધારીને CAA1 કરવામાં આવે છે.બેંકને બચાવી લેવા હાલમાં જાહેર કરાયેલા બેલઆઉટ પેકેજ બાદ તેના શેરમાં તેજી જોવા મળી રહી છે.SBIની આગેવાનીમાં સાત બેંકો યસ બેંકમાં ૧૦ હજાર કરોડ રુપિયા રોકવાની છે.બુધવારે સાંજે છ વાગ્યાથી Yes Bank પોતાની તમામ સુવિધાઓ પણ શરુ કરી દેશે.આરબીઆઈના ગવર્નરે ગઈકાલે જ જણાવ્યું હતું કે જો જરુર પડશે તો Yes Bankની વધારાની મદદ પણ કરવામાં આવશે. ઉલ્લેખનીય છે કે,છેલ્લા દ્યણા સમયથી પારાવાર મુશ્કેલીઓમાંથી પસાર થઈ રહેલી Yes Bank પર દસ દિવસ પહેલા RBIએ નિયંત્રણ મૂકી દીધા હતા, અને ખાતાધારકોને ૫૦ હજાર રુપિયાથી વધુની રોકડ ઉપાડ કરવા પર પાબંધી લગાવાઈ હતી.જેના કારણે દેશભરમાં યસ બેંકની બ્રાંચો બહાર લોકોની લાઈનો લાગી હતી,અને ખાતેદારોમાં ગભરાટ ફેલાઈ ગયો હતો. જોકે, થોડા દિવસોમાં જ સ્થિતિ કાબૂમાં આવી ગઈ છે અને હવે Yes Bank પોતાનું કામકાજ સામાન્ય રીતે શરુ કરવાની તૈયારીમાં છે.SBI ઉપરાંત, HDFC, કોટક મહિન્દ્રા જેવી ટોચની બેંકો પણ Yes Bankમાં મૂડી રોકી રહી છે,જેનો લોક-ઈન પિરિયડ ત્રણ વર્ષનો રહેશે. હાલ યસ બેંકના એક સમયના પ્રમોટર રાણા કપૂર હાલ ઈડીની કસ્ટડીમાં છે,અને Yes Bank પાસેથી અબજો રુપિયાની લોન લઈ તેને ન ચૂકવનારા પર પણ તવાઈ બોલાવાઈ રહી છે.
