નવી દિલ્હી : ઓઈલ ક્ષેત્રની અગ્રણી સરકારી કંપનીઓ ઈન્ડિયન ઓઈલ કોર્પોરેશન (IOC) અને ઓએનજીસી સહિતની કંપનીઓ ~3.57 લાખ કરોડના મૂલ્યના પ્રોજેક્ટ્સના અમલ પર આગળ વધી રહી છે.તેનાથી એનર્જી એક્સેસિબિલિટી ઘણી વધશે અને નોકરીઓનું સર્જન પણ થશે તેમ પેટ્રોલિયમ મંત્રી ધર્મેન્દ્ર પ્રધાને સોમવારે કહ્યું હતું.પેટ્રોલિયમ અને નેચરલ ગેસ મંત્રાલયે તેના ટ્વીટ પોસ્ટ્સમાં કહ્યં હતું કે ~3.57 લાખ કરોડના મૂલ્યના કુલ 859 પ્રોજેક્ટ્સ ~60,000 કરોડનું રોકાણ ચાલુ નાણાકીય વર્ષમાં જ કરવામાં આવી રહ્યું છે.
મંત્રી ધર્મેન્દ્ર પ્રધાન અને અન્ય અધિકારીઓ પ્રોજેક્ટ્સની સમીક્ષા કરી રહ્યા છે.1 જુલાઈ, 2020ના રોજ કુલ 859 પ્રોજેક્ટ્સ પર ~3.57 લાખ કરોડનું રોકાણ થશે. આ પ્રોજેક્ટ્સ રિફાઈનરી,ઓઈલ એક્સપ્લોરેશન અને પ્રોડક્શન,માર્કેટિંગ ઈન્ફ્રાસ્ટ્રક્ચર,પાઈપલાઈન,સિટી ગેસ ડિસ્ટ્રિબ્યુશન નેટવર્ક સ્થાપવા સહિતીની કામગીરીને લગતા છે.જોકે મંત્રાલયે આ પ્રોજેક્ટ ક્યારે પૂરા થશે તે અંગેની કોઈ સમયમર્યાદા જાહેર કરી ન હતી.આઈઓસી તેની રિફાઈનરી અપગ્રેડ કરવા તથા પાઈપલાઈન નેટવર્ક વિસ્તારવા માટે પ્રોજેક્ટ પર અમલ કરી રહી છે.જ્યારે ONGC રણપ્રદેશમાં અને સમુદ્રમાં ઓઈલ-ગેસ પ્રોજેક્ટ પર કામ કરી રહી છે.ઓએનજીસી જે ફિલ્ડમાંથી ઓઈલનું ઉત્પાદન કરે છે અથવા આઈઓસી જે આયાત કરે છે તેને રિફાઈનરી ખાતે પેટ્રોલ,ડીઝલ અને એલપીજીમાં કન્વર્ટ કરવામાં આવે છે અને વેચાણ કરવામાં આવે છે.મંત્રીએ કહ્યું હતું કે આ તમામ પ્રોજેક્ટ્સમાં 9.74 કરોડ માનવ દિવસના રોજગાર નું સર્જન થશે તેવી ધારણા છે.ચાલુ નાણાકીય વર્ષમાં 3.5 કરોડ માનવદિવસ રોજગારનું સર્જન થશે તેવો અંદાજ છે.
