ઉદવાડા રેલવે ફાટક પાસે એક હૃદય થંભાવી દે તેવી ઘટના બની છે. એક અજાણ્યો યુવક ફાટક પાસેથી દોડ્યો હતો અને ગૂડ્સ ટ્રેનની સામે ઉભો રહી ગયો હતો. કોઇ કંઇ સમજે કે કંઇ કરે એ પહેલા જ ગૂડ્સ ટ્રેન યુવક પરથી પસાર થઇ ગઇ હતી અને યુવકના શરીરના બે કટકા થઇ ગયા હતા.બનાવ અંગે રેલવે પોલીસને જાણ કરવામાં આવતા રેલવે પોલીસ ઘટના સ્થળે પહોંચી હતી અને વધુ તપાસ હાથ ધરી હતી.બનાવ અંગે પ્રાપ્ત પ્રારંભિક વિગતો અનુસાર,ઉદવાડા રેલવે ફાટક પાસેથી ગૂડ્સ ટ્રેન પસાર થઇ રહી હોય ફાટક બંધ રાખવામાં આવ્યો હતો.એ સમયે એક અજાણ્યો યુવક ફાટક પાસે ઉભો હતો અને જેવી ટ્રેન નજીક આવી કે તુરંત જ એ યુવક ફાટક પાસેથી દોડીને ટ્રેક પર ઉભો રહી ગયો હતો.જોત જોતામાં ગૂડ્સ ટ્રેન તેના પરથી પસાર થઇ ગઇ હતી. કાળજું કંપાવી દે તેવી ઘટનામાં રેલવે પોલીસે ફરિયાદ નોંધી છે અને આપઘાત કરનાર યુવક કોણ છે તે જાણવા પ્રયાસો હાથ ધર્યા છે. યુવકે શા માટે આત્મહત્ય કરી એ જાણવા પણ રેલવે પોલીસે તજવીજ શરૂ કરી છે.
