ગુજરાત રાજ્યમાં કોરોના વાઈરસનું તાંડવ સતત ઘેરાતું જી રહ્યું છે.રાજ્યમાં સતત કોરોના કેસ અને મૃત્યુ આંકમાં વધારો નોધાઇ રહ્યો છે.કોરોના કેસના દૈનિક આંકડા રોજ પોતાનો જ રેકોર્ડ તીડી રહ્યા છે.રાજ્યના આરોગ્ય વિભાગના જણાવ્યા અનુસાર રાજ્યમાં છેલ્લા 24 કલાકમાં રેકોર્ડ બ્રેક કેસ સામે આવ્યા છે.છેલ્લાં 24 કલાકમાં 6690 નવા કોરોના કેસ સામે આવ્યા છે.જે સાથે રાજ્યમાં કુલ કેસનો આંકડો 3,60,206 ઉપર પહોચ્યો છે.
રાજ્યના આરોગ્ય વિભાગના જણાવ્યા અનુસાર ગુજરાતમાં છેલ્લા 24 કલાકમાં 67 લોકોનાં મૃત્યુ થયા છે.રાજ્યમા આજે ડિસ્ચાર્જ થયેલા દર્દીઓની સંખ્યા 2748 છે. રાજ્યમાં કુલ એક્ટિવ કેસોની સંખ્યા 34,555 છે. જેમાં અમદાવાદ શહેરમાં નવા 2251 કેસ,સુરતમાં શહેરમાં નવા 1254 કેસ,વડોદરામાં શહેરમાં નવા 247 કેસ,રાજકોટ શહેરમાં નવા 529 કેસ,જામનગર શહેરમાં નવા 187 કેસ,ભાવનગર શહેરમાં 81 નવા કેસ નોધાયા છે
