ઈઝરાઈલ અને ફલસ્તીન વચ્ચે જારી સંઘર્ષ સતત મોટા યુદ્ધમાં તબ્દીલ થતો જઈ રહ્યો છે.ગાજા શહેરમાં ઈઝરાઈલયના તાજેતરના હવાઈ હુમલામાં શનિવારે વહેલી સવારે 10 ફલસ્તીનીના મૃત્યુ થયા.
આતંકી હમાસ શાસિત વિસ્તારોમાં છેડાયેલી લડાઈ બાદ આ સૌથી ઘાતક એકલ હુમલો રહ્યો.આ વચ્ચે ઈઝરાઈલી કબ્જાવાળા વેસ્ટ બેંકમાં પણ હિંસા ભડકી ગઈ અને સુરક્ષાદળો સાથે એક અથડામણમાં 11 ફલસ્તીનીયોના મૃત્યુ થયા.
ઈઝરાઈલના ઘણા શહેરોમાં યહૂદી-અરબ સંઘર્ષ હજૂ પણ જારી છે અને ઘણી જગ્યાઓ તોફાનીઓ રસ્તાઓ પર દુકાનો,દફ્તર અને ઘરોમાં લૂટપાટ કરી રહ્યા છે.શનિવારે વેસ્ટ બૈંકમાં નકબા દિવસ મનાવવા માટે ફલસ્તીની નાગરિક એકત્ર થયા અને ઈઝરાઈલ વિરુદ્ધ વિરોધ પ્રદર્શન શરૂ કરી દીધું.વિરોધ દબાવવા માટે ઈઝરાઈલી સેનાએ ફાયરિંગ કર્યું જેમાં 11 લોકો માર્યા ગયા. 1948માં ઈઝરાઈલ નિર્માણ દરમિયાન થયેલા યુદ્ધમાં લગભગ સાત લાખ ફલસ્તીની લોકોના પલાયનની યાદમાં નકબા દિવસ મનાવવામાં આવે છે.
આ તરફ, ગાજા પટ્ટીમાં શનિવારે પણ ઈઝરાઈલનો બોમ્બમારો જારી રહ્યો.અહીં એક મકાન પર હવાઈ હુમલામાં ઓછામાં ઓછા 10 ફલસ્તીનીના મૃત્યુ થયા જેમાં મોટાભાગના બાળકો સામેલ છે.અહીં ઈઝરાઈલી ટેંકો અને હવાઈ હુમલાથી કેટલાક શહેરોમાં પાછલા બે દિવસોથી તબાહી મચી છે.જવાબમાં હમાસે પણ ઈઝરાઈલી શહેરો પર રૉકેટ છોડ્યા.
એક જ પરિવારના ચાર લોકોના મૃત્યુ
ગાજા સિટીમાં એક શરણાર્થી શિબિરની નજીક ત્રણ માળના મકાન પર હવાઈ હુમલામાં ઓછામાં ઓછા આઠ બાળકો અને બે મહિલાઓના મૃત્યુ થયા.
મોહમ્મદ અબૂ હતાબે પત્રકારોને જણાવ્યું કે તેમની પત્ની તેમજ 5 બાળકો સંબંધીઓ સાથે ઈદ મનાવવા ગયા હતા.આ વચ્ચે તેમની પત્ની તેમજ છ થી 14 વર્ષના ત્રણ બાળકો મૃત્યુ પામ્યા જ્યારે 11 વર્ષનું બાળક લાપતા છે.ફક્ત પાંચ મહિનાનું બાળક જીવિત છે.
