બારડોલી : બારડોલી નગર અને તાલુકા વિસ્તારમાં વેક્સિનેશનની કામગીરી પુરજોશમાં ચાલી રહી છે જેના પગલે બારડોલી વિસ્તારમાં 70 ટકા વેક્સિનેશન પૂર્ણ થયું હોવાનું જાણવા મળે.આરોગ્ય અધિકારી અને કર્મચારીઓની મહેનતના પગલે વિસ્તારમાં વેક્સિનેશનની સારી કામગીરી કરવામાં આવી છે આ કામગીરીને સૌ બિરદાવી રહ્યા છે.હાલમાં પણ બાકી રહેલ લોકો માટે વેક્સિનેશનની કામગીરી ચાલુ હોવાનું જાણવા મળે છે.આ સફળ કામગીરીને લઈ હાલમાં બારડોલીમાં કોરોનાનો એકપણ કેસ નોંધાયો નથી.
આ અંગે પ્રાપ્ત માહિતી અનુસાર વેક્સિનેશન અંગે ગ્રામ્ય વિસ્તારોમાં પહેલા લોકોમાં જાગૃતતા ઓછી હતી, પરંતુ હવે લોકોમાં જાગૃતતા આવી છે અને લોકો રસીકરણ તરફ આગળ આવી રહ્યા છે.તેમ છતાં હજુ પણ કેટલાક લોકો રસી મુકાવવાથી ડરી રહ્યા છે.ત્યારે બારડોલી આરોગ્ય વિભાગની ટીમ દ્વારા નગર અને તાલુકાના ગામડાઓમાં કેમ્પ કરી તેઓને સમજ આપી રસી મૂકવામાં આવી રહી છે.અને આરોગ્ય અધિકારીઓ તેમજ કર્મચારીઓની સફળ કામગીરીને લઈ હાલ 70 ટકા જેટલૂ વેક્સિનેશન પૂર્ણ થયું છે.અને હાલમાં પણ બાકી રહેલ વ્યક્તિઓને વેક્સિનેશન અંગે સમજ આપી કામગીરી ચાલુ જ છે.હાલ બારડોલી સત્યાગ્રહ હોસ્પિટલ તેમજ સરદાર હોસ્પિટલમાં વેક્સિનેશનની કામગીરી ચાલુ જ છે.અને બારડોલી તાલુકાનાં કેટલાક ગામડાઓમાં તો સૌ ટકા કામગીરી પૂર્ણ થઈ છે.જેથી ગામના સરપંચોનું પણ સન્માન કરવામાં આવ્યુ હતું.વેક્સિનેશન અંગે તંત્ર દ્વારા તમામ પ્રકારની વ્યવસ્થાઓ કરવામાં આવી રહી છે અને બારડોલી વિસ્તારમાં વેક્સિનેશનની ટકાવારી 70 ટકાથી આગળ વધશે તેવો દાવો કર્યો હતો.
બારડોલી વિસ્તારમાં એક સમયે 20 થી 25 કોરોના પોઝિટિવ કેસ 24 કલાકમાં આવતા હતા.પરંતુ 70 ટકા વેક્સિનેશનની કામગીરી પૂર્ણ થતાં છેલ્લા 10 થી 15 દિવસ દરમ્યાન એકપણ કોરોનાનો કેસ નોંધાયો ન હતો.જેથી બારડોલી વિસ્તાર પણ કોરોનામુક્ત બનવા જઇ રહ્યો છે.બારડોલી આરોગ્ય અધિકારીઓ અને કર્મચારીઓએ કોરોનાની ગંભીરતાને ધ્યાને લઈ તેને અટકાવવા માટે દિવસ રાત તનતોડ મહેનત આરંભી હતી.અને ગામડે ગામડે પહોંચી કેમ્પ યોજી ગ્રામ્ય વિસ્તારના લોકોમાં જાગૃતતા લાવી રસીકરણ કામગીરી હાથ ધરાતા હાલ બારડોલી વિસ્તારમાં એકપણ કોરોનાનો કેસ ન નોંધાતા તેમની આ કામગીરી પ્રશંસનીય રહી છે.
ગામ વાઇઝ વેક્સિનેશન
પ્રાથમિક આ.કેન્દ્રનું નામ ગામનું નામ પ્રથમ ડોઝ ટકાવારીમાં
ઉમરાખ નાંદીડા 100 ટકા
ઉમરાખ અસ્તાન 100 ટકા
ઉમરાખ ખરવાસા 99.6 ટકા
ઉમરાખ મોતા-1 99.5 ટકા
ઉમરાખ મોતા -2 97.3 ટકા
વરાડ ઉતારા 96.9 ટકા
ઉમરાખ બાબેન-1 95.4 ટકા
વરાડ રાયમ 95.1 ટકા
ઉમરાખ રામપુરા 94 ટકા
ઉમરાખ તેન 90.8 ટકા
ઉમરાખ મોવાછી 90.6 ટકા
ઉવા ઉવા 90.4 ટકા
