અખિલ ભારતીય વિદ્યાર્થી પરિષદે વીર નર્મદ દક્ષિણ ગુજરાત યુનિવર્સિટીમાં સેનેટ ચૂંટણી માટે ડોનરના મતદાર વિભાગની બેઠક પરથી ભાજપના ગુજરાત પ્રમુખ સી આર પાટીલના પુત્ર જીગ્નેશ પાટીલને સત્તાવાર ઉમેદવાર બનાવવાની જાહેરાત કરતા જ યુનિવર્સિટીના રાજકારણમાં ભારે હલચલ મચી હતી.જોકે ગણતરીના કલાકમાં જીગ્નેશ પાટીલે સેનેટની ચૂંટણી લડવાનો ઇનકાર કરી દેતા જાહેરાત કરનાર કારોબારીઓની હાલત દયા જનક બની હતી અખિલ ભારતીય વિદ્યાર્થી પરિષદની ઘોષણા સાથે જ આમ આદમી પાર્ટીના વિદ્યાર્થી પાંખે પણ ભાજપને લડત આપવાની નેમ જાહેર કરતા આગામી દિવસોમાં ભારે ગરમા ગરમી જોવા મળે તો નવાઈ નહીં.
ભાજપના પ્રદેશ પ્રમુખ સી. આર. પાટીલના પૂત્ર જિજ્ઞેશ પાટીલે વીર નર્મદ દક્ષિણ ગુજરાત યુનિવર્સિટિમાં સેનેટની ચૂંટણી લડી રહ્યાની વાતે બધાને ચોંકાવી દીધા હતાં.ડોનર કેટેગરીમાં એબીવીપી તરફથી જિજ્ઞેશનું નામ ફાઇનલ કરાયું હતું.જો કે આ નામ જાહેર થવા સાથે જ પરિવાર વાદ,નેપોટિઝમનો ગણગણાટ પણ શરુ થઇ ગયો હતો.પ્રદેશ પ્રમુખનો પૂત્ર હોવાથી આ ચૂંટણી માટે પસંદગી કરવામાં આવી હોવાની ચર્ચાએ વેગ પકડયો હતો,આગામા ચાર મહિનામાં યોજાનારી વિધાનસભાની ચૂંટણી અગાઉ આ પ્રકારના કોઇ વિવાદ પરવડે એમ ન હોવાથી પાટીલે પીછેહઠ કરવાનું મુનાસીબ માન્યું હોવાનું કહેવાય છે.પાટીલ તરફથી ડો. મહેન્દ્ર પટેલે નામ પરત લેવાની જાહેરાત કરી હતી.જિજ્ઞેશ સ્પોટ્સ એક્ટિવિટિમાં સક્રિય હોય યુનિવર્સિટિમાં સમય આપી ન શકે એમ હોવાનું કારણ આગળ કરી તેઓએ ચૂંટણી લડવાનું મૂલત્વી રાખ્યાની જાહેરાત કરાઇ છે.
આગામી તારીખ 14 મી ઓગસ્ટે યોજાઈ રહેલી વીર નર્મદ દક્ષિણ ગુજરાત યુનિવર્સિટીની અધિકાર મંડળ સેનેટ સભાની ચૂંટણીમાં ભાજપના પ્રદેશ પ્રમુખ સી આર પાટીલના પુત્ર જીગ્નેશ પાટીલને અખિલ ભારતીય વિદ્યાર્થી પરિષદે પત્રકાર પરિષદ યોજને દાતાઓના મત વિભાગના સત્તાવાર ઉમેદવાર ઘોષિત કર્યા હતા.દાતા વર્ગની બેઠક માટે જીગ્નેશ પાટીલ ઉપરાંત વર્તમાન સિન્ડિકેટ મેમ્બર ડોક્ટર કશ્યપસિંહ ખરચીયા એબીવીપીના દ્વિતીય સત્તાવાર ઉમેદવાર દર્શાવ્યા હતા.પરંતુ મોડી સાંજે જીગ્નેશ પાટીલે સેનેટની ચૂંટણી લડવાનો ઇનકાર કર્યો હતો.
ભલે જિજ્ઞેશ પાટીલ રાજકીય રીતે એક્ટિવ ન હોય પણ સામાજિક ધોરણે ઘણાં સક્રિય છે.તેઓ યુથ ફોર ગુજરાતના પ્રમુખ છે.તેમજ ગુજરાત ફુટબોલ એસોશિએશનના ઉપ પ્રમુખ તરીકે યુવા વર્ગની સાથે જોડાયેલા છે.તેમજ સુરત જિલ્લા બાસ્કેટ બોલ એસોશિએસનના પણ તેઓ પ્રમુખ તરીકે કાર્યરત છે.આમ યુથના ઘણાં નજીક રહીને જિજ્ઞેશ પાટીલ કામ કરી રહ્યા છે.જિજ્ઞેશ પાટીલે વીર નર્મદ યુનિવર્સિટીમાં દાન આપ્યું છે અને એ રૂએ તેઓ દાતા વર્ગની સેનેટની ચૂંટણી લડી રહ્યા છે.આ દિશામાં હવે VNSGU ના સેનેટની ચૂંટણીમાં તેઓ આગળ વધી રહ્યા છે.
લોકોના કામ કરવા હોદ્દાની જરૂર નથી , હું સેનેટની ચૂંટણી નથી લડી રહ્યો : જીજ્ઞેશ પાટીલ
ઉમેદવારના નામ જાહેર થયાના થોડાં જ કલાકમાં જીગ્નેશ પાટીલે સોશિયલ મીડિયા પર વિડીયો વાયરલ કરીને જણાવ્યું હતું કે લોકોના કામ કરવા માટે કોઈ હોદ્દાની જરૂર નથી,હજી ઘણી સેવાકીય કાર્યો કરવાના બાકી હોવાથી સેનેટની ચૂંટણી લડવી નથી.સી આર પાટીલના પુત્ર જીગ્નેશ પાટીલે દાતા મતદાર વિભાગની બેઠક પરથી સેનેટ ગઈની ચૂંટણી લડવાની ઈચ્છા ધરાવતા હતા એ સમયે તે શક્ય બની શક્યું ન હતું.આ વખતે ભાજપના નેતાઓ અને એબીપીના કારોબારીઓએ જીગ્નેશ પાર્ટીને દાતા વિભાગમાંથી ઉમેદવાર બનાવવાની ઘોષણા કરી દીધી હતી પરંતુ આ વખતે જીગ્નેશ પાર્ટીને સ્વયમ આ ચૂંટણી લડવાની અનિચ્છા દર્શાવતા એબીપી એ તેમના નામની જાહેરાત પરત ખેંચવી પડી છે.
