સુરત : સુરત રેલવે સ્ટેશનના નિર્માણ કાર્યનો આરંભ કરી દેવામાં આવ્યો છે.બિલ્ડીંગ ઉભું કરતાં પહેલા સુરત એસટી, રલવેની ગોદી સહિતની જગ્યાને કવર કરી,ત્યાંથી કાટમાળ ખસેડવાનો
આરંભ કરી દેવાયો છે.રેલવે ગોદીને ઉધના શિફ્ટ કરવા સાથે અહીંયાં પ્લેટફોર્મ બનાવવાની તજવીજ હાથ ધરવામાં આવી છે.
અંદાજીત 878 કરોડના ખર્ચે સુરતનું અદ્યતન રેલવે સ્ટેશન બનાવાશે.રેલવે સ્ટેશન બનાવવા માટે રેલવેની સાથે પાલિકા અને સુરત એસટીની જમીનનો પણ ઉપયોગ કરાશે.સુરતના અદ્યતન રેલવે સ્ટેશન માટે પ્રધાનમંત્રીએ ઓનલાઈન માધ્યમથી ખાતમૂહર્ત કર્યું હતું.જે બાદ રેલવે મંત્રી દર્શનાબેન જરદોશે પણ ચૂંટણી પહેલા ખાતમૂહર્ત કર્યું હતું.હવે કોન્ટ્રકટર દ્વારા કામગીરી શરુ કરી દેવામાં આવી છે.આ માટે સૌ પ્રથમ રેલવે યાર્ડ ગોદીને ખાલી કરી દેવામાં આવી છે,ત્યાં હવે પ્લેટફોર્મ બનાવવા પતરાની વાડ ઉભી કરી દેવામાં આવી છે.આ સાથે જ ટેમ્પરરી ધોરણે અહિયાં ઓફિસ બનાવશે.
બીજી તરફ રેલવે સ્ટેશનની કામગીરી પુરજોશમાં ચાલુ કરતા પહેલા સુરત રેલવે સ્ટેશનથી ઉપડતી ટ્રેનોનો ઉધના શિફ્ટ કરી દેવાશે.એટલે કે સુરતને બદલે ઉધના રેલવે સ્ટેશનથી ટ્રેન દોડાવાશે.આ માટે પશ્ચિમ રેલવેએ રેલવે મંત્રાલય પાસે મંજૂરી માંગી લીધી છે.જો કે હજુ સુધી મંજુરી મળી નથી,પરંતુ મંજૂરી મળતા જ તાપ્તિ ગંગા ટ્રેનોને સુરતને બદલે ઉધના રેલવે સ્ટેશનથી દોડાવવાનો આરંભ કરી દેવાશે.
