નવી દિલ્હી, 12 જાન્યુઆરી 2023 ગુરૂવાર : દિલ્હી એરપોર્ટ પર ભારે ખળભળાટ મચી ગયો છે.દિલ્હી એરપોર્ટથી પુના જતી ફ્લાઈટમાં બોમ્બ હોવાનો કોલ મળતાં જ લોકોમાં ફફટાડ ફેલાયો હતો.ફ્લાઈટમાં મુસાફરોના જીવ તાળવે ચોંટી ગયા હતાં. હાલમાં ફ્લાઈટની તપાસ શરૂ કરી દેવાઈ છે.
મુસાફરોને સલામત નીચે ઉતારી તપાસ શરૂ કરાઈ
પ્રાપ્ત વિગતો પ્રમાણે દિલ્હી એરપોર્ટ પર પુના જતી ફ્લાઈટમાં બોમ્બ હોવાનો કોલ મળતાં જ મુસાફરોને સતર્ક કરી દેવાયા હતાં.તે ઉપરાંત દિલ્હી પોલીસ અને CISFના જવાનો પણ એરપોર્ટ પર એલર્ટ થઈ ગયાં હતાં.બોમ્બ કોલને લઈને ફ્લાઈટના મુસાફરોમાં પણ ફફડાટ ફેલાયો હતો.પરંતુ તેમને ફ્લાઈટમાંથી સહી સલામત નીચે ઉતારીને ફ્લાઈટની તપાસ શરૂ કરવામાં આવી છે.
એરલાઈન્સના અધિકારીઓએ બોર્ડિંગને રોકી દીધી
બોમ્બનો કોલ મળતાની સાથે જ એરલાઈન્સના અધિકારીઓએ બોર્ડિંગને રોકી દીધી હતી અને બોમ્બ સ્કવોર્ડને બોલાવી હતી.પોલીસે એવું જણાવ્યું હતું કે, ફ્લાઈટ ટેક ઓફ થાય તે પહેલાં જ તેમાં બોમ્બ હોવાનો કોલ મળ્યો હતો. અત્યાર સુધીમાં કંઈ પણ શંકાસ્પદ મળ્યું નથી.
