મેરઠના ચકચારી બ્લૂ ડ્રમ હત્યાકાંડમાં મોટો ચુકાદો : મુસ્કાન રસ્તોગી અને સાહિલ શુક્લાને મૃત્યુદંડ

ઉત્તરપ્રદેશના મેરઠમાં ચર્ચિત બ્લૂ ડ્રમ હત્યાકાંડમાં અદાલતે સૌરભ રાજપૂતની હત્યાના કેસમાં દોષિત મુસ્કાન રસ્તોગી અને તેના પ્રેમી સાહિલ શુક્લાને મૃત્યુદંડની સજા ફટકારી છે.જિલ્લા અને સત્ર ન્યાયાધીશ અરવિંદ કુમાર મિશ્રાની અદાલતે 14 ઑક્ટોબર, 2026ના રોજ સજાનું એલાન કર્યું હતું. આ કેસમાં બંનેને 30 સપ્ટેમ્બરે હત્યા અને પુરાવાનો નાશ કરવાના ગુનામાં દોષિત ઠેરવવામાં આવ્યા હતા.સજાની સુનાવણી દરમિયાન સરકારી પક્ષે ગુનાને અત્યંત ગંભીર ગણાવીને બંને માટે મૃત્યુદંડની માગ કરી હતી.સરકારી વકીલની દલીલ હતી કે હત્યા પૂર્વઆયોજિત હતી અને ગુનાની ગંભીરતાને ધ્યાનમાં રાખીને કડકમાં કડક સજા થવી જોઈએ.બીજી તરફ બચાવ પક્ષે બંનેને ઓછી સજા આપવા અદાલતને વિનંતી કરી હતી.સજા સંભળાવતાં પહેલાં ન્યાયાધીશે બંને દોષિતોને પોતાની વાત રજૂ કરવાની તક આપી હતી, પરંતુ બંનેએ કોઈ રજૂઆત કરી નહોતી.આ ચકચારી હત્યાકાંડ માર્ચ 2025માં સામે આવ્યો હતો. સૌરભ રાજપૂત મર્ચન્ટ નેવીમાં કામ કરતા હતા અને લંડનથી મેરઠ પરત આવ્યા હતા.તપાસમાં સામે આવેલી વિગતો મુજબ, તેમની પત્ની મુસ્કાન અને સાહિલે મળીને તેમની હત્યા કરી હતી.ત્યારબાદ મૃતદેહના ટુકડા કરીને વાદળી પ્લાસ્ટિકના ડ્રમમાં મૂકવામાં આવ્યા હતા અને ડ્રમમાં સિમેન્ટ ભરીને તેને છુપાવવાનો પ્રયાસ કરવામાં આવ્યો હતો.17 માર્ચ, 2025ના રોજ ડ્રમમાંથી દુર્ગંધ આવતાં મૃતદેહ અંગે જાણ થઈ હતી. ત્યારબાદ પોલીસે તપાસ શરૂ કરી અને મુસ્કાન તથા સાહિલની ધરપકડ કરી હતી. આ ઘટનાની ક્રૂર પદ્ધતિને કારણે કેસ દેશભરમાં ચર્ચાનો વિષય બન્યો હતો.આ કેસની સુનાવણી આશરે 13 મહિના ચાલી હતી.અદાલતમાં 126 સુનાવણી દરમિયાન સરકારી પક્ષે 22 સાક્ષીઓની જુબાની સહિતના પુરાવા રજૂ કર્યા હતા.તબીબી અને વૈજ્ઞાનિક પુરાવાઓની પણ તપાસ કરવામાં આવી હતી. 30 સપ્ટેમ્બરે અદાલતે બંનેને દોષિત જાહેર કર્યા બાદ સજાની જાહેરાત માટે 14 ઑક્ટોબરની તારીખ નક્કી કરી હતી.ચુકાદા સમયે સૌરભની માતા રેણુ રાજપૂત અને તેમનો ભાઈ અદાલતમાં હાજર રહ્યાં હતાં.રેણુ રાજપૂતે અગાઉ બંને દોષિતોને કડકમાં કડક સજા આપવાની માગ કરી હતી.અહેવાલ અનુસાર, મુસ્કાનનાં માતા-પિતાએ પણ સજા પહેલાં અદાલત સમક્ષ લેખિત રજૂઆત કરીને પોતાની દીકરીને મૃત્યુદંડ આપવામાં આવે તો વાંધો ન હોવાનું જણાવ્યું હતું.મેરઠના આ હત્યાકાંડમાં મૃત્યુદંડની સજા જાહેર થતાં કેસે નવો વળાંક લીધો છે.હવે આ ચુકાદા સામે આગળની કાનૂની કાર્યવાહી અને મૃત્યુદંડની અંગેની પ્રક્રિયા મહત્ત્વની રહેશે.