અમદાવાદ : ટોરેન્ટ ફાર્માનો નાણાં વર્ષ 2019-20 દરમિયાન ચોખ્ખો નફો ~1,025 કરોડનો થયો હતો જે આગલા વર્ષના સમાન ગાળામાં ~436 કરોડ હતો.જ્યારે વર્ષ દરમિયાન રેવન્યૂ વધીને ~7,939 કરોડની થઈ હતી જે આગલા વર્ષે ~7,673 કરોડ હતી. કંપનીએ વર્ષ માટે કુલ ~32 ડિવિડંડની ભલામણ કરી હતી જેમાં સ્પેશ્યલ ~15ના ડિવિંડડનો સમાવેશ થતો હતો.જ્યારે કંપનીનો માર્ચ 2020ને અંતે પૂરા થયેલા ચોથા ત્રિમાસિક ગાળા દરમિયાન ચોખ્ખો નફો ~314 કરોડનો થયો હતો અને રેવેન્યૂ પાંચ ટકા વધીને ~1,946 કરોડની રહી હતી.આ ગાળામાં ગ્રોસ માર્જીન 73 ટકા અને ઇબીઆઇટીડીએ માર્જીન 29 ટકા રહ્યું હતું.ચોથા ત્રિમાસિક ગાળામાં ઇબીઆઇટીડીએ 16 ટકા વધીને ~562 કરોડ રહ્યો હતો.
ચોથા ત્રિમાસિક ગાળામાં માર્જીનમાં સુધારો થવાનું મુખ્ય કારણ યુનિકેમ પોર્ટફોલિયો હસ્તગત કરવો,પ્રોડક્ટીવિટીમાં સધારો અને ખર્ચ પર અંકુશ હતા. કંપનીનું ભારતીય બજાર ઉપરાંત અમેરિકા,જર્મની અને બ્રાઝિલ પર ધ્યાન કેન્દ્રિત રહ્યું હતું.દહેજ અને ઇન્દ્રાડ ખાતેના રેમડિટાઇઝેશન એકમનું કામકાજ આગળ વધી રહ્યું છે અને જર્મનીના ગ્રોથની અસર નાણાં વર્ષ 2021માં જોવા મળશે.કંપનીની ભારતની રેવેન્યૂ 11 ટકા વધીને ~840 કરોડની થઈ હતી. અમેરિકાની રેવન્યૂ 3 ટકા વધી ~385 કરોડ રહી હતી.જ્યારે બ્રાઝિલની રેવેન્યૂ પાંચ ટક ઘટીને ~196 કરોડ અને જર્મનીની રેવેન્યૂ 10 ટકા ઘટીને ~216 કરોડની રહી હતી.
