વધુ એક બસપા ધારાસભ્ય પર સીબીઆઇએ શકંજો કસ્યો છે.ગોરખપુરના ચિલ્લૂપારના બહુજન સમાજ પાર્ટીના ધારાસભ્ય વિનય શંકર તિવારીની કંપની ગંગોત્રી કંસ્ટ્રક્શનને લઇને સીબીઆઇએ રેડ કરી છે.સીબીઆઇએ 754 કરોડના કથિત બેન્ક કૌભાંડ મામલે વિનય શંકર તિવારી અને તેમની પત્ની રીતા તિવારી વિરૂદ્ધ કેસ દાખલ કર્યો છે.
કેટલીક જગ્યાએ CBIની રેડ
ગોરખપુરના બાહુમલી નેતા હરિશંકર તિવારીના પુત્ર અને બહુજન સમાજ પાર્ટીના ધારાસભ્ય વિનય શંકર તિવારીના લખનઉં,ગોરખપુર અને નોઇડામાં સીબીઆઇએ રેડ કરી છે.લખનઉંમાં તેમના પાર્ક રોડ અને ગોમતીનગરના ઘર સાથે ગોરખપુરના ગોલઘર અને નોઇડામાં એક સાથે રેડ કરવામાં આવી છે.રેડ બાદ સીબીઆઇએ વિનય શંકર તિવારી અને તેમના પત્ની વિરૂદ્ધ કેસ દાખલ કર્યો છે.
વિનય શંકર તિવારીની કંપની ગંગોત્રી કંસ્ટ્રક્શન સાથે તેમની ફર્મ ગંગોત્રી ઇન્ટરપ્રાઇજેજ,રોયલ એમ્પાયર માર્કેટિંગ પ્રાઇવેટ લિમિટેડ અને ફર્મના બીજા ડિરેક્ટર અજિત પાંડેયના ઠેકાણા પર પણ સીબીઆઇની ટીમે રેડ કરી છે.આખા રાજ્યમાં ગંગોત્રી એન્ટરપ્રાઇજેજના નામથી કેટલીક ફર્મ છે,જે અલગ અલગ રીતે ઠેકેદારીનું કામ કરે છે.
વિનય શંકર તિવારી પર કથિત રીતે 754 કરોડ રૂપિયાના બેન્ક લોન કૌભાંડનો આરોપ છે.બેન્ક નકલી કાગળ લગાવીને લોન લેવાનો કેસ પણ બનાવ્યો છે. આ સિવાય લોન ના ચુકવવાનો કેસ પણ અલગથી બનાવ્યો છે.વિનયની કંપની ગંગોત્રી એન્ટરપ્રાઇજેજ રસ્તાના નિર્માણ સાથે કંસ્ટ્રક્શનનું કામ કરે છે.કેટલીક રાષ્ટ્રીયકૃત બેન્કમાંથી લોન લીધા બાદ ગંગોત્રી એન્ટરપ્રાઇઝે લોનની રકમને સમયસર પરત કરી નહતી.જેની પર બેન્કે ફરિયાદ કરી છે.બેન્કનો આરોપ છે કે નકલી દસ્તાવેજ દ્વારા લોન લેવામાં આવી હતી અને બેન્ક લોનને પચાવી પાડી રકમને બીજી જગ્યાએ રોકાણ પણ કર્યુ હતું.
