મુંબઇ : મુંબઇમાં 200 કિલો ડ્રગ જપ્ત કરવાના મામલે નારકોટિક્સ કન્ટ્રોલ બ્યૂરો (એનસીબી)એ કેબિનેટ મંત્રી નવાબ મલિકના જમાઇ સમીર ખાનને પૂછપરછ માટે બોલાવ્યા છે.સમીર ખાનના લગ્ન નવાબ મલિકની દિકરી નિલોફર સાથે થયા છે. એનસીબી પ્રમાણે, સમીર ખાન અને કરણ સજનાની વચ્ચે 20 હજારની લેવડ-દેવડ થઇ હતી.
એનસીબીનું કહેવું છે કે, કરન સજનાની અને સમીર ખાન વચ્ચે ગુગલ પે દ્વારા 20 હજારની લેવડ-દેવડ થઇ હતી. એજન્સીને શંકા છે કે, આ લેવડ-દેવડ ડ્રગને લઇને કરવામાં આવી હતી. આ અંગે પૂછપરછ કરવા માટે સમીર ખાનને બોલાવવામાં આવ્યો છે.
જણાવી દઇએ કે, ડ્રગ કેસમાં એનસીબીની રડારમાં ઘણા લોકો છે.મંગળવારે એનસીબીએ મુંબઇના મુચ્છડ પાનવાલા રામકુમાર તિવારીની ધરપકડ કરી હતી.એનસીબીએ સોમવારે મુચ્છડ પાનવાલાના માલિક જયશંકર તિવારી અને રાજકુમાર તિવારીની કલાકો સુધી પૂછપરછ કરી હતી.રાજકુમાર તિવારી,જયશંકર તિવારીનો નાનો ભાઇ છે.
રાજકુમાર તિવારી અને જયશંકર તિવારી દક્ષિણ મુંબઇના પોશ વિસ્તારમાં કેમ્પ કોર્નરમાં પાનની દુકાન ચલાવે છે. જયશંકર તિવારી અને રાજકુમાર તિવારી છ-છ મહિના સુધી પાનની દુકાન ચલાવે છે.આ પાનની દુકાને બોલિવૂડ અને ઉદ્યોગ જગત સાથે જોડાયેલી જાણીતી હસ્તીઓ પાન ખાવા આવે છે.
