– ભાવનગરમાં ફરજ બજાવતાં મહિલા કોન્સ્ટેબલ અને રાજકોટ ટ્રાફિક શાખાના પોલીસકર્મચારી પ્રેમના તાંતણે બંધાયાં અને લગ્ન કરી લીધા છે
– મહિલા કોન્સ્ટેબલ ગુમ થયાની પોલીસમાં નોંધ થઈ હતી
ભાવનગર : ભાવનગરમાં ફરજ બજાવતી મહિલા કોન્સ્ટેબલ અને રાજકોટમાં ટ્રાફિક શાખામાં ફરજ બજાવતા વિધર્મી અને ડિવોર્સી એવા પોલીસકર્મી પ્રેમના તાંતણે બંધાયાં હતાં.એકાદ વીક પહેલાં બન્ને સાથે નાસી ગયાં હતાં.રાજકોટ પોલીસે બન્નેને શોધી કાઢી ભાવનગર પોલીસને સોંપ્યાં હતાં.
કોન્સ્ટેબલ સાથે હાલમાં લીવ-ઇનમાં રહે છે
ભાવનગરમાં ફરજ બજાવતાં મહિલા કોન્સ્ટેબલ અઠવાડિયા પૂર્વે પોતાનું ઘર છોડીને કોઇ સ્થળે જતાં રહ્યાં હતાં.અનેક સ્થળોએ શોધખોળ કરવા છતાં તેનો પત્તો નહીં લાગતાં પરિવારજનોએ ભાવનગર પોલીસ મથકમાં જાણ કરી હતી.દરમિયાન મહિલા પોલીસ કોન્સ્ટેબલનો એક વિડિયો જાહેર થયો હતો,જેમાં તેણે કહ્યું હતું કે પોતે રાજકોટમાં ટ્રાફિક શાખામાં ફરજ બજાવતા વિધર્મી કોન્સ્ટેબલ સાથે હાલમાં લિવ-ઇનમાં રહે છે.મહિલા કોન્સ્ટેબલે કહયું હતું કે વિધર્મી પોલીસમેન તેને ધમકાવીને લાવ્યો નથી. બન્ને વચ્ચે પ્રેમ સંબંધ છે અને લગ્ન કરી લીધાં છે.
મંગળવારે પોલીસ સમક્ષ હાજર થયાં
મહિલા કોન્સ્ટેબલના વિડિયોમાં રાજકોટના પોલીસમેનની વાત બહાર આવતાં રાજકોટ પોલીસે બન્નેની શોધખોળ શરૂ કરી હતી.બન્નેની ભાળ મેળવી ક્રાઇમ બ્રાન્ચની ટીમે બન્નેનો સંપર્ક કરી લીધો હતો અને મંગળવારે સાંજે બન્ને ભાવનગર પોલીસ સમક્ષ હાજર કર્યાં હતાં.
પોલીસ ટ્રેનિંગ સમયે પ્રેમ પાંગર્યો હોવાની ચર્ચા
પોલીસસૂત્રોએ જણાવ્યું હતુ કે ભાવનગરની મહિલા કોન્સ્ટેબલ અને રાજકોટના પોલીસમેન વચ્ચે પોલીસ તાલીમ વખતે પ્રેમ સંબંધ બંધાયા હતા.રાજકોટનો પોલીસમેન પરિણીત છે.પોલીસ કોન્સ્ટેબલે પોલીસ સમક્ષ એવો બચાવ કર્યો હતો કે તેના અગાઉ લગ્ન થયા હતા,પરંતુ બે મહિનામાં જ છૂટાછેડા આપી દીધા હતા.અને ભાવનગરની મહિલા કોન્સ્ટેબલ સાથે લગ્ન કરી લીધા હતા. આ મામલાએ પોલીસબેડામાં ભારે ચકચાર મચી જવા પામી છે.
