– સોમ અને ગુરૂવાર જનતા દિવસ તેમજ કલેક્ટર કોટ પણ રાબેતા મુજબ ચાલશે
સુરત : રાજ્યની આર્થિક રાજધાની સુરતના જિલ્લા કલેકટરનો આજે નવિનયુક્ત આઈએએસ અધિકારી આયુષ ઓક દ્વારા વિધિવત પદભાર ગ્રહણ કરવામાં આવ્યો હતો. 2011 ગુજરાત બેચના આઈએએસ અધિકારી 2018 થી અમરેલી જિલ્લામાં કલેકટર પદે કાર્યરત હતા અને તે અગાઉ તેઓની ભાવનગર ખાતે ડીડીઓ તરીકે નિમણૂંક કરવામાં આવી હતી.
આજે અઠવા લાઈન્સ ખાતે સુરત જિલ્લા કલેક્ટર કચેરીએ પહોંચ્યા બાદ ડો.ધવલ પટેલની ઉપસ્થિતિમાં આયુષ ઓકે પદભાર ગ્રહણ કરવાની સાથે તુરંત જ રાજ્ય સરકારની વીડિયો કોન્ફરન્સમાં જોતરાઈ ગયા હતા.ત્યાર બાદ પત્રકારો સાથે વાતચીત કરતા નવા કલેક્ટર આયુષ ઓકે કહ્યું હતું કે,તેમના માટે સુરત નવો જિલ્લા છે.સાત વર્ષ પહેલા નર્મદા જિલ્લામાં તેઓ આસિસ્ટન્ટ કલેક્ટર તરીકે ફરજ બજાવી ગયા બાદ મોટાભાગે તેમનો ટેનયોર સૌરાષ્ટ્ર તરફ રહ્યો હતો.યુવા કલેક્ટર આયુષ ઓકે કહ્યું હતું કે તેઓ પોતે કોંકણના રતનાગિરીના વતની છે પરંતુ ફેમિલી નોકરી સાથે પૂણા સેટ થયુ હતું.તેમના માતા બેંક કમચારી હતા ફાધર પ્રાઈવેટ સેકટરમાં હતા.તેમના પરિવારમાં તેઓ પહેલા છે જેમને સિવિલ સર્વિસ પસંદ કરી છે.સુરતમાં કોરોનાની વેકસીન ઝડપથી લોકોને મળે અને વેકસીન અંગે લોકોમાં કોઇ ગેરમાન્યતા હોય તો તે દૂર કરશે.સામાન્ય જનતા માટે સોમવાર અને ગુરૂવાર મુલાકાતના દિવસો રહેશે તે ઉપરાંત કલેક્ટર કોટ પણ અગાઉના દિવસો મુજબ રાબેતામુજબ ચાલશે.
નવ નિયુક્ત કલેક્ટર આયુષ ઓકે કહ્યું હતું કે તેમને સિવિલ સર્વિસ પાસ કરી દીધા બાદ પહેલી નિમણુક મહેસાણા આસિસ્ટન્ટ કલેક્ટર તરીકે હતી તે પછી સને-2013માં નર્મદા જિલ્લાના આસિસ્ટન્ટ કલેક્ટર તરીકે મુકાયા હતા તે દરમિયાન સાધુ ટેકરી સહિતની જગ્યાનો કબજો લઇ સરદારની વિરાટ પ્રતિમા ત્યાં મુકાઇ હતી દેશભરમાંથી માટી અને લોખંડ લાવવાની જે ઝુંબેશ ચાલી હતી તે વખતે પણ તેઓ ત્યાં જ હતા.એ પછી એમને ભાવનગર ડીડીઓ અને સવાત્રણ વરસથી સૌરાષ્ટ્ર અમરેલી કલેક્ટર તરીકે ફરજ બજાવી હતી.
સુરત જિલ્લા કલેક્ટર આયુષ ઓકે કહ્યું હતું કે તેમને મીકેનીકલ એન્જીનીયર નો કોર્ષ કર્યો છે,પરંતુ બીજા વર્ષના અભ્યાસ સાથે નક્કી કરી લીધુ હતું કે એનિજીનીયરીંગની પગારદાર નોકરી નથી જ કરવી.તેમને તે સાથે સિવિલ સર્વિસ તૈયારી કરી હતી.તેમને પર્વતારોહણનો ભારે શોખ છે.તેઓ પોતે આંઠથી દસ વખત હિમાલય જઇ આવ્યા છે. જમનેમી સહિત ફલાવરસ ઓફ વેલી પણ જઇ આવ્યા છે.તેમને પોતાના વતનની સહ્યાદ્રિ પર્વત પણ ટ્રેકીંગ કયુ છે.
