અલ કાયદાએ દિલ્હીના ઇંદિરા ગાંધી ઇન્ટરનેશનલ એરપોર્ટને બોમ્બથી ઉડાવી દેવાની ધમકી આપી છે.આ વિશે શનિવાર સાંજે દિલ્હી પોલીસને અલ કાયદાના નામે ઈ-મેલ આવ્યો હતો.આમાં આગામી કેટલાક દિવસમાં IGI એરપોર્ટને બોમ્બથી ઉડાવી દેવાની ધમકી આપવામાં આવી છે.એટલું જ નહીં, ધમકી મળતા જ એરપોર્ટની સુરક્ષા વ્યવસ્થા જડબેસલાક કરવામાં આવી છે.
રિપોર્ટ પ્રમાણે દિલ્હી પોલીસને શનિવાર સાંજના એક ઈ-મેલ આવ્યો હતો,જેમાં કહેવામાં આવ્યું હતું કે, કરણબીર સૂરી ઉર્ફ મોહમ્મદ જલાલ અને તેની પત્ની શૈલી સારા ઉર્ફ હસીના રવિવારના સિંગાપુરથી ભારત આવી રહ્યા છે.આ બંને IGI એરપોર્ટ પર આગામી એકથી 3 દિવસમાં બોમ્બ રાખવાનું ષડયંત્ર રચી રહ્યા છે.એટલું જ નહીં, અલ કાયદાની આ ધમકીથી સુરક્ષા એજન્સીઓ એલર્ટ થઈ ગઈ અને એરપોર્ટની સુરક્ષા સખ્ત કરી દેવામાં આવી.
DIGએ જણાવ્યું કે, પહેલા પણ સમાન નામ અને સમાન વિગતોની સાથે ધમકીભર્યો સંદેશ મળ્યો હતો.તેમના જણાવ્યા પ્રમાણે, પહેલા કરણબીર અને શૈલીને ISIના ચીફ ગણાવવામાં આવ્યા હતા.તો લખવામાં આવ્યું હતું કે, બંને આવી રહ્યા છે અને એકથી ત્રણ દિવસમાં એરપોર્ટ પર બોમ્બ બ્લાસ્ટ કરવાનું ષડયંત્ર છે.
