- અમેરિકન ડોક્ટર્સે આ પ્રકારનું વિશ્વનું પહેલું હાર્ટ ટ્રાન્સપ્લાન્ટ કર્યું
પ્રાણીઓમાં તુચ્છ ગણાતા ડુક્કરનું ભલે ખાસ મહત્વ ન હોય પરંતુ, ડુક્કર માણસનું જીવન બચાવી શકે છે.વિશ્વભરમાં પ્રથમવાર માનવીમાં ડુક્કરનું હૃદય ટ્રાન્સપ્લાન્ટ કરીને અમેરિકન ડોક્ટર્સની ટીમે ઇતિહાસ સર્જ્યો છે.વોશિંગટન ડીસીમાં ગંભીર હૃદયની બીમારીથી પીડાતા 57 વર્ષીય પેશન્ટમાં ડુક્કરનું હૃદય ટ્રાન્સપ્લાન્ટ કરવામાં આવ્યું છે.
આ સર્જરી સક્સેસફૂલ રહી છે અને મેરીલેન્ડ પ્રાંતના રહેવાસી પેશન્ટ ડેવિડ બેનેટ ઓપરેશનના 3 દિવસ પછી અત્યારે સંપૂર્ણ સ્વસ્થ છે.આ અનોખી સર્જરી કરનાર ડોકટરે કહ્યું હતું કે,હાર્ટ ટ્રાન્સપ્લાન્ટમાં મળેલી સફળતા બાદ,પેશન્ટના હૃદયમાં તે બરાબર રીતે કામ કરી રહ્યું છે અને તેના ધબકારા અને બ્લડ પ્રેશર નોર્મલ છે.શુક્રવારે થયેલી સર્જરીમાં 8 કલાક જેટલો સમય લાગ્યો હતો.57 વર્ષીય પેશન્ટ અત્યારે હાર્ટ-લંગ બાયપાસ મશીનના સપોર્ટ પર છે.જે ઓપરેશન પહેલા જ પેશન્ટને બચાવવા માટે લગાવવામાં આવ્યું હતું.આ મશીન આજે એટલે કે મંગળવારે હટાવી લેવામાં આવશે તેવું ડોક્ટર્સની ટીમે મીડિયા સમક્ષ જણાવ્યું હતું.
ઓપરેશન ટીમના પ્રમુખ ડોક્ટરે ઉમેર્યું હતું કે,’આ પ્રકરનું ટ્રાન્સપ્લાન્ટ દુનિયામાં પ્રથમ વાર કરવામાં આવ્યું છે અને મેડિકલ ક્ષેત્રે આ ઐતિહાસિક પગલું છે.આ ઓપરેશન આગામી સમયમાં બીજા અનેક પેશન્ટને મદદ મળશે.’આ પહેલા પણ ડુક્કરના શરીરના અંગો,હાર્ટ વાલ્વ અને સ્કીનનો હ્યુમન સર્જરીમાં ઉપયોગ થઈ ચૂક્યો છે પરંતુ,હાર્ટ ટ્રાન્સપ્લાન્ટની આ ઘટનાએ સૌ કોઈને આશ્ચર્યચકિત કરી દીધા છે.
