– બે દેશોના સંઘર્ષમાં નાટોના આગમનથી ચિત્ર બદલાઈ શકે
– બીજા વિશ્વયુદ્ધ પછી જર્મની પહેલી વખત યુદ્ધગ્રસ્ત દેશને શસ્ત્ર સહાય માટે તૈયાર
કીવ : યુક્રેન-રશિયા વચ્ચેના જંગમાં હવે રશિયાનો નાટો સાથેના જંગનો તખ્તો પણ તૈયાર થઈ ગયો છે.નાટો સંગઠને જણાવ્યું હતું કે તેના તરફથી યુક્રેનને એર ડિફેન્સ મિસાઇલ અને એન્ટી ટેન્ક શસ્ત્ર આપવામાં આવશે.નાટોના ચીફ જેમ્સ સ્ટોલટેનબર્ગે એક ટવીટ કરી આ જાણકારી આપી.
તેમણે જણાવ્યું હતું કે અમે યુક્રેનના રાષ્ટ્રપતિ સાથે વાત કરી છે.નાટોના વડાએ આ ઉપરાંત અન્ય દેશોના વડાઓ સાથે પણ વાત કરી છે.તેમા રશિયાના હુમલા પછી સર્જાયેલી સિૃથતિ અંગે વાતચીત કરવામાં આવી છે. આ દરમિયાન નાટોએ બાલ્ટિક દેશોમાં પોતાની તાકાતને વધારવાનો નિર્ણય કર્યો છે.
તેમણે અન્ય એક ટવીટમાં જણાવ્યું હતું કે તેમની લિથુઆનિયાના રાષ્ટ્રપતિ સાથે વાત થઈ છે.તેમણે જણાવ્યું હતું કે રશિયાને આકરો પડકાર ફેંકતા અમે એક-એક ઇંચ જમીનની રક્ષા કરીશું. જર્મનીએ પણ તેના વલણમાં નોંધપાત્ર પરિવર્તન લાવતા યુક્રેનને શસ્ત્રો પૂરા પાડવાની જાહેરાત કરી છે.જર્મની યુક્રેનને ત્રણ હજારથી પણ વધારે સ્ટિંગર મિસાઇલ પૂરી પાડશે.
આ મિસાઇલ હેલિકોપ્ટર તોડી પાડવામાં ઉપયોગી છે. જર્મન ચાન્સેલર ઓલાફ સ્કોલ્ઝની જાહેરાતે બધાને ચોંકાવી દીધા હતા. સામાન્ય રીતે યુરોપમાં જર્મની અને ફ્રાન્સને રશિયાના પક્ષધર મનાય છે.બંને વચ્ચે કેટલાય મોટા-મોટા ડીલ થયેલા છે.એક સમય હતો જ્યારે નાટોમાં ડિફેન્સ પાછળ પૂરતો ખર્ચ ન કરવા બદલ અમેરિકન પ્રમુખ ટ્રમ્પે જર્મનીની ટીકા કરી હતી.
2021માં જર્મનીએ જીડીપીના 1.53 ટકા જ રકમ નાટોની પાછળ ખર્ચી હતી. આ રકમ 65 અબજ ડોલર થાય છે.છેલ્લા કેટલાક વર્ષોથી આ રકમ ઉત્તરોતર વધી રહી છે. વોશિંગ્ટને પણ યુક્રેનને સ્ટિંગર મિસાઇલનું પેકેજ પૂરૂ પાડવાની મંજૂરી આપી છે.પણ તે ક્યારે પૂરૂ પડાશે તે હજી નક્કી નથી.એસ્ટોનિયા યુક્રેનને જાન્યુઆરીથી સ્ટિંગર મિસાઇલ પૂરા પાડી રહ્યું છે.
