અરાવલી : એન્ટી કરપ્શન બ્યુરોએ ગુરૂવારે લાંચ લેતા ત્રણ સરકારી કર્મચારીઓને ઝડપી પાડ્યા છે.એસીબી એ અરાવલી જિલ્લાના ધનસુરા ખાતે રેન્જ ફોરેસ્ટ ઓફિસર (વર્ગ-2) હિતેન્દ્ર ફુલેત્રા,વિરાંજલી નર્સરી નવલપુરના કાયમી રોજમદાર (વર્ગ-4) વિક્રમ દેસાઈ અને કાયમી રોજમદાર (વર્ગ-4) રમેશ પરમારની ધરપકડ કરી છે.એસીબી એ આ ત્રણેયને ધનસુરા તાલુકાના વડાગામ ખાતે ચિત્રકલા સ્ટુડિયોની આગળ ચાની કિટલી પાસે લાંચ લેતા ઝડપી પાડ્યા હતા.
એન્ટી કરપ્શન બ્યુરોએ ગુરૂવારે લાંચ લેતા ત્રણ સરકારી કર્મચારીઓને ઝડપી પાડ્યા છે.એસીબી એ અરાવલી જિલ્લાના ધનસુરા ખાતે રેન્જ ફોરેસ્ટ ઓફિસર (વર્ગ-2) હિતેન્દ્ર ફુલેત્રા,વિરાંજલી નર્સરી નવલપુરના કાયમી રોજમદાર (વર્ગ-4) વિક્રમ દેસાઈ અને કાયમી રોજમદાર (વર્ગ-4) રમેશ પરમારની ધરપકડ કરી છે.એસીબી એ આ ત્રણેયને ધનસુરા તાલુકાના વડાગામ ખાતે ચિત્રકલા સ્ટુડિયોની આગળ ચાની કિટલી પાસે લાંચ લેતા ઝડપી પાડ્યા હતા.
ફરીયાદી પોતાની પત્નીના નામે નર્સરીમાં રોપાઓનું વાવેતર કરે છે.ફોરેસ્ટ વિભાગ તરફથી તેમના ખાતામાં પ્રથમ બે હપ્તાના 66,500 રૂપિયા જમા થયા હતા.આ બાબતે આ કામના આરોપી હિતેન્દ્ર ફુલેત્રાએ ફરીયાદીને બોલાવ્યા હતા અને તેને વિક્રમ દેસાઈ મારફતે 30,000 રૂપિયાની માંગણી કરી હતી.ફરીયાદીએ લાંચ આપવાની ના પાડી દીધી હતી.બાદમાં ફરીયાદીએ એસીબીનો સંપર્ક કર્યો હતો અને તેમની સમક્ષ પોતાની વાત રજૂ કરી હતી. તેમની ફરીયાદના આધારે એસીબીએ ગુરૂવારે લાંચની માંગણી કરનારા સરકારી કર્મચારીઓને ઝડપી પાડવા માટે છટકું ગોઠવ્યું હતું. જેમાં ત્રણેય જણા લાંચ 30,000 રૂપિયાની લાંચ લેતા ઝડપાઈ ગયા હતા.એસીબીએ ત્રણેયને ઝડપી પાડ્યા હતા અને તેમની પાસેથી લાંચના 30,000 રૂપિયા રિકવર કર્યા હતા.એસીબીએ ત્રણેયની અટકાયત કરીને આગળની કાર્યવાહી હાથ ધરી હતી.
